މި މައްސަލަ ތަހަންމަލު ކުރާ މީހުންނަށް "އެވޮކާޑޯ ހެއާ މާސްކް" އަކީ ބޭނުންކޮށްލުން މުހިންމު މާސްކެކެވެ.
ބޭނުންވާ ތަކެތި:
1 ދޮންވެފައިވާ އެވޮކާޑޯ
2 މޭޒުމަތީ ސަމުސާ މާމުއި
2 މޭޒުމަތީ ސަމުސާ ޒައިތޫނި ތެޔޮ
ބޯތަށްޓެއްގައި ދޮންވެފައިވާ އެވޮކާޑޯއެއް ޗިސްކޮށްލާފައި، އެ އެވޮކާޑޯ ކޮޅުގެ ތެރެއަށް ދެ މޭޒުމަތީ ސަމުސާ ހަނީ އަދި އޮލިވް އޮއިލް އެއްކުރާށެވެ. ދެން ރަނގަޅަށް ހުރިހާ އެއްޗެއް އެއް ކޮށްލުމަށްފަހު މި ހެއާ ޕެކް އިސްތަށިގަނޑުގައި އެޕްލައި ކުރާށެވެ.
މި ހެއާ މާސްކް ލާއިރު އިސްތަށިގަނޑުގެ މަތިން ތިރިއަށް ވާގޮތަށް ލާށެވެ. މާސްކު މުޅި ބޮލުގެ ހަންގަނޑާއި، އިސްތަށިގަނޑުގައި ލުމަށްފަހު، 45 މިނެޓު ވަންދެން މަޑުކޮށްލާށެވެ. ދެން އެއަށްފަހު ޝޭޕްޕޫއަކުން ރަނގަޅަށް ބޯ ދޮވެލާށެވެ.
މި ގޮތަށް މި ހެއާ މާސްކް ހަފްތާއަކު އެއްފަހަރު ބޭނުންކޮށްލެވިދާނެއެވެ. އޭރުން އިސާހިތަކު ހަންފޮޅުން ހުއްޓިދާނެއެވެ.
އެވޮކާޑޯއަކީ ބޮލުގެ އިސްތަށިގަނޑުގެ ދުޅަހެޔޮކަން ދެމެހެއްޓުމަށް އެހީތެރިވެދޭ އެންޓިއޮކްސިޑެންޓްތަކުން މުއްސަނދިވެފައިވާ އެއްޗެކެވެ. މި ޑީޕް ކޮންޑިޝަނިން މާސްކަކީ ބޮލުގެ އިސްތަށިގަނޑަށް ފިނިކަން ގެނެސްދީ، އިސްތަށިގަނޑު އަލުން ދިރުން ގެނެސްދޭ މާސްކެކެވެ. އަދި ޒައިތޫނި ތެލަކީ އިސްތަށިގަނޑު އޮމާންކޮށްދީ، ވަރުގަދަކޮށްދޭ އެއްޗެކެވެ.
