ގާތްގަނޑަކަށް 13 މަސް ދުވަހުގެ ތެރޭގައި މަސައްކަތް ނިންމަން ޖެހޭ އެ މަޝްރޫއުގެ ދަށުން ކުރާނެ މައިގަނޑު މަސައްކަތްތަކަކީ 25،636 ކިއުބިކް ބަނދަރު ފުން ކުރުމާއި، 180 މީޓަރު ބޭރު ތޮށި ޖެހުމާއި، 628 މީޓަރު ރިވެޓްމެންޓް ޖެހުމާއި، 346 މީޓަރު އެއްގަމު ތޮށި ލުމާއި، 70 މޫރިން ރިންގް ހަރުކުރުމާއި، 10 މޫރިންގް ބޮއި ހަރުކުރުމާއި، 11 މީޓަރު ދިގު 11 މީޓަރު ފުޅާ ރޭމްޕް ހެދުމާއި، 17 މަގު ބައްތި ޖެހުމާއި، ދެ ނެރު ބައްތި ހަރުކުރުން ކަމަށް އެމްޓީސީސީން ބުނެއެވެ.
މަސައްކަތް ހަވާލު ކުރުމުގެ އެއްބަސްވުމުގައި ޕްލޭނިން މިނިސްޓްރީން ސޮއި ކޮށްފައިވަނީ އެ މިނިސްޓްރީގެ ޕާމެނެންޓް ސެކެޓްރީ ޒީނިޔާ އަހުމްދު ހަލީމެެވެ. އަދި އެމްޓީސީސީން ސޮއި ކޮށްފައިވަނީ ޗީފް އެގްޒެކްޓިވް އޮފިސާ އާދަމް އާޒިމެވެ.
އެމްޓީސީސީން ދަނީ އަތޮޅުތެރޭގައި ވަރަށް ބޮޑެތި މަސައްކަތް ކުރަމުންނެވެ. އެ ކުންފުނީގެ ހަޔާތިގައި އެންމެ ބޮޑު ކާމިޔާބެއް ހޯދި ކަމަށް ވަނީ މިދިޔަ އަހަރު ކަމަށް ވެ އެވެ.
