އެގައުމުގެ ބޮޑުވަޒީރު ކުރެއްވި ޓުވީޓެއްގައި ބުނެފައިވަނީ، އިއްޔެ ހެނދުނު އޭނާ ބައްޔަށް ޕޮޒިޓިވް ވެފައިވާކަން އެނގިވަޑައިގެންފައިވާކަމަށާއި، އެހެން ނަމަވެސް ހާލުކޮޅު ރަނގަޅު ކަމަށެވެ. އަދި އެކަހެރިވެ ހުންނަވައިގެން މަސައްކަތް ކުރައްވަމުން ގެންދަވާނެ ކަމަށާއި، ހުރިހާ ފަރާތްތަކުން ވެސް ރައްކާތެރިކަން އިސްކޮށް ވެކްސިން ޖެހުމަށް އޭނާ ވަނީ އެދިވަޑައިގެންފަ އެވެ.
ކެނެޑާގައި ވެކްސިން ޖެހުމަށް ހަދާފައިވާ ގަވައިދު ތަކާ މެދު ގިނަ ބަޔަކު އަންނަނީ ނުރުހުން ފާޅު ކުރަމުންނެވެ. އެކަމާ ނުރުހުންފާޅުކޮށް މުޒާހަރާ ކުރަން ފެށުމާއެކު ބޮޑުވަޒީރުގެ ސިއްރު ތަނަކަށް ބަދަލުވެ ވަޑައިގެންނެވިކަމަށް މީޑިއާތަކުން ބުނެ އެވެ.
ކެނެޑާގައި ފަހުން އަމަލު ކުރަން ފެށި ވެކްސިން ގަވައިދުގައިވާގޮތުން، ވެކްސިން ނުޖަހާ ފަރާތްތަކަށް އެގައުމުގެ ކެފޭ ތަކާއި ރެސްޓޯރަންޓުތަކުން ހިދުމަތް ދިނުން މަނަ އެވެ. އަދި އެގައުމުގެ އެއް އަވަށުން އަނެއް އަވަށަށް ދަތުރު ކުރުން ވެސް ވަނީ ވެކްސިން ނުޖަހާ ފަރާތްތަކަށް މަނާކޮށްފަ އެވެ.
އެ ގަވާއިދާ ދެކޮޅަށް ގިނަ ބަޔަކު މުޒާހަރާ ކުރަމުން ގެންދަވަނިކޮށް، އެގައުމުގެ ބޮޑުވަޒީރު ޖަސްޓިން ޓްރޫޑޯ ވަނީ އޭނާ އާއި އޭނާގެ އާއިިލާއަށް ސިއްރު ހިސާބަކަށް ބަދަލުވީ އެ ބޭފުޅުންނަށް ނުރައްކާވެދާނެ ފަދަ ކަމެއް ހިނގާފާނެކަމުގެ އިންޓެލިޖެންސް މައުލޫމާތު ލިބުމާ ގުޅިގެންކަމަށް މީޑިއާއިން ބުނެ އެވެ.
