މި ރަސްމިއްޔާތުގައި މިނިސްޓަރަށް ދަންމަރު ހަވާލުކޮށްދެއްވީ އިންޓަނޭޝަނަލް އޮލިމްޕިކް ކޮމިޓީ (އައިއޯސީ) ގެ ރައީސް ތޯމަސް ބަކް އެވެ.
ދަންމަރު ހިފައިގެން ދުވެ ވަޑައިގަތުމަށް ފަހު ކުރެއްވި ޓްވީޓްތަކެއްގައި މިނިސްޓަރު ވިދާޅުވީ އޮލިމްޕިކްސް އަކީ އެކި ކަންކޮޅުތަކުގެ މީހުން އެއްބައިވަންތަކޮށް އަމާންކަމަށް އިސްކަންދޫ ހަރާކަތެއް ކަމަށެވެ.
އޮލިމްޕިކްސްގެ ދަންމަރަކީ އެކުވެރިކަމާއި އުންމީދުގެ ރަމްޒެއްކަމަށާއި އެފަދަ ދަންމަރެއް އުފުއްލާލަން ލިބުމަކީ ލިބުނު ވަރަށް ބޮޑު ޝަރަފެއްކަމަށް މިނިސްޓަރު ވިދާޅުވި އެވެ. މީގެ އިތުރުން އޮލިމްޕިކްސްއަކީ ކުޅިވަރުގެ ބާރުން ތަރައްގީ އައި ސުލްހަވެރިކަން ކުރިއެރުވުމަށް ލިބޭ ފުރުސަތެއްކަމަށް ވެސް މިނިސްޓަރު ޝާހިދުވަނީ ވިދާޅުވެފަ އެވެ.
މިނިސްޓަރު ވިދާޅުވީ އޮލިމްޕިކްސް އިން އިންސާނިއްޔަތުކަން އެންމެ ފުރިހަމަ އަށް ދައްކުވައިދޭ ކަމަށެވެ. އަދި މޮޅުވުމާއި ބަލިވުމުގައި ވެސް ރީތި ނަމޫނާ ދައްކާކަމަށާއި މިއީ މި އިވެންޓުގެ މަގްސަދު ކަމަށް ވިދާޅުވި އެވެ.
މިނިސްޓަރު ޝާހިދު އަދި އދގެ ކުރީގެ ސެކެޓްރީ ޖެނެރަލް ބަންކީ މޫން
މިނިސްޓަރު ޝާހިދު މި ރެލީގައި ބައިވެރިވީ އދ. ގެ އާންމު މަޖިލީހުގެ ރައީސްގެ ހައިސިއްޔަތުންނެވެ. މިނިސްޓަރު ވަނީ އިއްޔެގެ ރަސްމިއްޔާތުގައި އދ ގެ ކުރީގެ ސެކެޓްރީ ޖެނެރަލް ބަންކީ މޫންއާ ބައްދަލުވިކަމާއި އެއީ ވެސް ލިބުން ވަރަށް ބޮޑު ޝަރަފެއް ކަން ހާމަކުރައްވައިފަ އެވެ.
