ޝަކީރީ
ޝަކީރީ އެމެރިކާ ލީގަށް
ސްޕޯޓްސް ޓީމް
06 ފެބްރުއަރީ 2022 - 05:26:56
ސްވިޓްޒަލަންޑްގެ މަޝްހޫރު ތަރި ޒެރްދާން ޝަކީރީ އެމެރިކާ ލީގަށް ބަދަލުވާން ނިންމައިފިއެވެ.
Advertisement
ކުރިން ލިވަޕޫލަށްވެސް ކުޅެފައިވާ ޝަކީރިގެ އާ ކްލަބަކަށް ވެގެންދާނީ މޭޖާރ ލީގު ސޮކަރ ނުވަތަ އެމެރިކާ ލީގުގެ ޝިކާގޯ ފަޔަރއެވެ. ފްރާންސްގެ ލިޔޯނުން އެމެރިކާގެ ޝިކާގޯ ފަޔަރއަށް ޝަކީރީ ބަދަލުވަނީ ހަތެއް ޕޮއިންޓް ފަހެއް މިލިއަން ޔޫރޯގެ އަގަކަށެވެ. ރިޕޯޓްތައް ބުނާ ގޮތުން ޝަކީރީގެ މެޑިކަލް ކަންތައް ނިމުމާއި އެކު އޭނާ ޝިކާގޯ ފަޔަރއަށް ސޮއިކުރުމުގެ ހުރިހާ އިންތިޒާމެއް މިހާރުވަނީ ހަމަ ޖެހިފައެވެ.
ބެލެވޭ ގޮތުގައި ކުރިއަށް އޮތް ދެ ދުވަހެއްގެ ތެރޭ ޝަކީރީގެ ޓްރާންސްފަރގެ ހުރިހާ ކަމެއް ހަމަ ޖެހޭނެއެވެ. އެހެންކަމަށް ވެއްޖެނަމަ، މި މަހުގެ ސައްބީސްވަނަ ދުވަހު އެ ކްލަބުން ކުޅޭ މެޗުގައި ޝަކީރީ ކުޅުމުގެ ފުރުސަތު އޮންނާނެއެވެ. ފެބްރުއަރީ ސައްބީސްވަނަ ދުވަހު ޝިކާގޯ ފަޔަރ ކުޅޭނީ ޑޭވިޑް ބެކަމްގެ ރައީސްކަން ކުރާ އެމެރިކާގެ ޓީމު ކަމަށްވާ އިންޓަރ މިއާމީއާ ދެކޮޅަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
