ވަޅާ ކައިރީގައި ކުޅެން އުޅެނިކޮށް ރަޔާން އެ ވަޅަށް ވެއްޓުނީ މިދިޔަ އަންގާރަ ދުވަހުއެވެ. ވެއްޓުނު ހަނި ވަޅުގެ ފުން މިނުގައި ހުރީ 32 މީޓަރު (104 ފޫޓް) އެވެ. ވަޅުގެ ފުޅާ މިނުގައި ހުންނަނީ 25 ސެންޓިމީޓަރު (9.8 އިންޗި) އެވެ.
އެ ހާދިސާ ހިނގި ވަގުތު ވަޅުގެ މަރާމާތުގައި އުޅުނު ރަޔާންގެ ބައްޕަ ބުނީ، ރަޔާން ވަޅަށް ވެއްޓުނީ އޭނާގެ ނަޒަރު އެހެން ދިމާލަކަށް އަބުރާލި ކުޑަ ސިކުންތު ކޮޅެއްގެ ތެރޭގައި ކަމަށާއި، އޭގެ ފަހުން ލޮލަށް ނިދިފިޔެއްވެސް ނާންނަ ކަަމަށެވެ.
ރަޔާން
ރެސްކިއު ޓީމުތަކުން ކުއްޖާ ސަލާމަތްކުރުމަށް މަަަސައްކަތް ކުރަމުން ދިޔަ ވަގުތު ވަޅުގެ ތެރޭ އެ ކުއްޖާ ހުރި ހިސާބަށް އޮކްސިޖަން މާސްކާއި ކާނާ އާއި ފެން ދިޔައީ ފޯރުކޮށްދެމުންނެވެ.
ނަމަވެސް އެއިން އެއްވެސް އެއްޗެއް ކުއްޖާ ކައިފަ ވާކަން ސާފައެއް ނުވެއެވެ. ބުރާސްފަތި ދުވަހު އާއްމުކުރި ވީޑިއޯތަކުން ފެންނަ ގޮތުގައި އޭރު ވަޅުތެރޭ ކުއްޖާ އޮތީ ސަލާމަތުންނެވެ. ނަމަވެސް އޭގެ ފަހުގެ ހާލަތެއް ފަހުން ސާފެއް ނުވެއެވެ.
އިއްޔެގެ ހަވީރުގެ ވަގުތެއްގައި ރަޔާން ވަޅުން ނަގާފައިވާއިރު، އޭގެ ފަހުން އެ ގައުމުގެ ގަނޑުވަރުން ނެރުނު ބަޔާނެއްގައި ބުނީ ރަޔާން ވަޅުން ނެގުން ނަމަވެސް ފުރާނަ ސަލާމަތް ކުރެވިފައި ނުވާ ކަމަށެވެ.
ރަޔާން އޮތް ވަޅު ދައްކާދޭ ފޮޓޯއެއް
މޮރޮކޯގެ ތަމްރުތު ޓައުނުގައި ހުރި ހަނި އެ ވަޅުގެ ތެރެއިން ރަޔާން ސަލާމަތް ކުރުމަށް ރެސްކިއު ޓީމު ތަކުން ވަނީ ވަޅާ ކައިރި ބުލްޑޯޒަރުތަކުން އެހެން ވަޅެއް ކޮނެފަ އެވެ. ކުއްޖާ ވަޅުގައި ހުރި ހިސާބާ އެއްވަރަށް ވަޅުކޮނުމަށް ފަހު، ހޮރިޒޯންޓަލްކޮށް ޓަނަލެއް ކޮނެ އެ ކުއްޖާ ވަޅުން ނެގިއެވެ. ރެސްކިއު ޓީމުން ކުއްޖާ ވަޅުން ނަގަން ޓަނަލަށް ވަނީ މެޑިކަލް ޓީމަކާ ވެސް އެކު އެވެ.
