ރަމަޒާން ބާޒާރު ސޭލް ފައްޓަވައި ދެއްވީ އެ ކުންފުނީގެ މެނޭޖިން ޑިރެކްޓަރު ހުސައިން އަމްރެވެ. އެ ރަސްމިއްޔާތު އޮތީ އެސްޓީއޯ ހޯމް އިމްޕްރޫވްމަންޓުގަ އެވެ.
އެސްޓީއޯއިން މިކަމާއި ގުޅިގެން ބުނެފައިވަނީ، އެސްޓީއޯ "ރަމަޒާން ބަޒާރު" ސޭލަކީ ކަސްޓަމަރުންގެ މެދުގައި އެންމެ މަގްބޫލް އެއް ސޭލް ކަމަށާއި، އެހެން އަހަރު ތަކެކޭ ވެސް އެއްގޮތަށް މި އަހަރުގެ އެސްޓީއޯ ރަމަޒާން ބަޒާރުގައި ވެސް ހިތްހަމަޖެހޭ ޑިސްކައުންޓް ތަކެއް އެކުލެވިގެން ވާނެ ކަމަށެވެ.
މި ސޭލް ކުރިއަށް ދާނީ އެސްޓީއޯ ހޯމް އިމްޕްރޫވްމަންޓް އާއި އެސްޓީއޯގެ ރީޖަނަލް ފިހާރަ ތަކުގައި ކަމަށާއި، ސޭލް ކުރިއަށް ދާނީ މިއަދުން ފެށިގެން އަންނަ އެޕްރީލް މަހުގެ 30 ވަނަ ދުވަހުގެ ނިޔަލަށް ކަމަށް އެކުންފުނިން ވަނީ ބުނެފައެވެ.
މީގެ އިތުރުން އެކުންފުނިން ބުނީ، އެހެން އަހަރު ތަކާއި ހިލާފަށް، މިއަހަރުގެ ރަމަޒާން ބާޒާރު ގައި އެސްޓީއޯއިން ބޭނުން ކުރާނީ ތިމާވެއްޓާއި ރައްޓެހި ޑިޖިޓަލް ކޫޕަން ކަމަށެވެ.
އަދި އެސްޓީއޯ ސުޕާމާޓްގައި ރަމަޒާން ބާޒާރު ސޭލް މާޗް މަހުގައި ފެށޭނެ ކަމަށް އެކުންފުނިން ވަނީ ބުނެފައެވެ.
ކަސްޓަމަރުންނަށް ލިބޭ ޑިސްކައުންޓް އަދި އޮފާތައް:
- އެސްޓީއޯ ހޯމް އިމްޕްރޫވްމަންޓު އަދި އެސްޓީއޯ ރީޖަނަލް ފިހާރަތަކުގެ ހޯމްއިމްޕްރޫވްމަންޓް މުދަލުން 40 ޕަސަންޓާ ހަމައަށް ޑިސްކައުންޓް ލިބުން.
- ކޮންމެ 1000 ރުފިޔާގެ ވިޔަފާރިޔަކަށް ކޫޕަނެއް ލިބޭ މި ޕްރޮމޯޝަންގައި ހުރިހާ އައުޓްލެޓް ތަކުން ކޮންމެ ހަފްތާއަކު އެއް ނަސީބުވެރި ފަރާތް ހޮވުމުން.
- މުޅި ޕްރޮމޯޝަންގެ ތެރެއިން ނަސީބު ވެރި އެއް ފަރާތަށް ޓާކީ ދެކޮޅު ޓިކެޓް ދެމީހަކަށް ލިބުމުގެ ފުރުސަތު (ދަތުރުގެ އެލަވެންސްގެ ގޮތުގައި 1000 ޑޮލަރު).
- މުޅި ޕްރޮމޯޝަންގެ ތެރެއިން ނަސީބު ވެރި 10 ފަރާތަކަށް އަގުހުރި އިނާމްތަކެއް ދިނުން.
2022 ވަނަ އަހަރުގެ ރަމަޒާން ބަޒާރުގައި އެސްޓީއޯއިން އަލަށް ޑިޖިޓަލް ކޫޕަން ތައާރަފް ކޮށްފައިވާއިރު އެސްޓީއޯގެ އަމާޒަކީ ކުންފުނީގެ އޮޕަރޭޝަން ތަކުގައި ކަރުދާސް ބޭނުން ކުރުން ވީހާވެސް މަދުކޮށް ތިމާވެއްޓާއި ރައްޓެހި ގޮތްގޮތަށް ކުންފުނީގެ އޮޕަރޭޝަންސް ބައްޓަން ކުރުން ކަމަށް އެކުންފުނިން ވަނީ ބުނެފައެވެ.
