އޭނާ ހޯދަމުންދަނީ، ހުޅުމާލެ ޕޮލިސް ސްޓޭޝަނުން ތަހުގީގު ކުރަމުންދާ ވައްކަމުގެ މައްސަލައެއްގެ ތަހުގީގަށް ހޯދަމަށް ބޭނުންވެ، އުޅޭ ވަކިތަނެއް ނޭގުމުގެ ސަބަބުން ކަމަށް ފުލުހުން ބުނެއެވެ.
ހޯދަމުންދަނީ ގދ. ގައްދޫ ބިއްލޫރި ޖެހިގޭ މުހައްމަދު ނާޒިލް ނަމަކަށް ކިޔާ އުމުރުން 40 އަހަރުގެ މީހެކެވެ.
އޭނާ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާ ކަމަށާއި އާއިލާ އަށް ވެސް އޭނާ އުޅޭ ވަކިތަނެއް އެނގިފައި ނުވާ ކަަމަށް ފުލުހުން ބުނެއެވެ.
އެގޮތުން ޖިނާއީ މައްސަލަތައް ތަހުގީގު ކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައި ވާގޮތުގެ މަތިން ތަހުގީގަށް ހާޒިރުވުމަށް ނާޒިލް އަށް ވެސް އަންގައި އިއުލާނުކޮށް އޭނާގެ ފޮޓޯ ފުލުހުން ވަނީ އާއްމުކޮށްފައެވެ.
އަދި އޭނާ ހާޒިރުވާން އަންގާފައިވަނީ ހުޅުމާލެ ފުލުހުންގެ އިދާރާއަށް، މިމަހުގެ 21 ވަނަ ދުވަހުގެ 10:00 ގައެވެ.
