އެރިކްސަން ޑެންމާކާ އެކު
ޔޫރޯ ހާދިސާއަށް ފަހު އެރިކްސަން ފުރަތަމަ ފަހަރަށް ދަނޑަށް
ސްޕޯޓްސް ޓީމް
15 ފެބްރުއަރީ 2022 - 07:40:03
އެންމެ ފަހުން އޮތް ޔޫރޯ ފުޓްބޯޅަ މުބާރާތުގައި ހާޓްއެޓޭކެއް ޖެހިގެން ދަނޑުންބޭލި ޑެންމާކްގެ މިޑްފީލްޑަރު ކްރިސްޓިއަން އެރިކްސަން، އެ ހާދިސާއަށް ފަހު ފުރަތަމަ ފަހަރަށް މެޗެއް ކުޅެފިއެވެ. އެކަމަކު މިއީ އެކުވެރިކަމުގެ ނުރަސްމީ މެޗެކެވެ.
ޔޫރޯގައި ދިމާވި ހާދިސާއަށް ފަހު، ކުރިން އޭނާ ކުޅުނު އިޓަލީ ލީގުގެ ގަވައިދުތަކާއި އެކު މިހާރު އިނގިރޭސި ކްލަބު ބްރެންޓްފޯޑަށް ބަދަލުވެފައިވާ އެރިކްސަންވަނީ ހޯމަ ދުވަހު ކުޅުނު މެޗުގައި ބްރެންޓްފޯޑަށް ލަނޑެއް ޖެހުމަށްވެސް މަގު ފަހިކޮށްދީފައެވެ.
މިމެޗުގައި އެރިކްސަންގެ ޓީމު ކުޅުނީ ސައުތްއެންޑް ޔުނައިޓެޑް ކިޔާ ޓީމަކާ ދެކޮޅަށެވެ. ހޯމަ ދުވަހު ކުޅުނު މި މެޗުން އެރިކްސަންގެ ޓީމު މޮޅުވީ ތިން ލަނޑު ދެ ލަނޑުންނެވެ.
އެރިކްސަންގެ މި މެޗަކީ މިދިޔަ އަހަރުގެ ޖޫން މަހުގެ ބާރަވަނަ ދުވަހު ޔޫރޯގައި ޑެންމާކުގެ ގައުމީ ޓީމަށް ކުޅުނު މެޗުގެ ފަހުން އެރިކްސަން ކުޅުނު ފުރަތަމަ މެޗެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
