ދަރަނބޫދޫ ބަނދަރު ތަރައްގީ ކުރުމުގެ މަޝްރޫއުގެ 90 އިންސައްތަ މަސައްކަތާއެކު ކައިރި ރަށް ރަށަށް މުދާ އުފުލުމަށް ކުރި ދަތުރު ނިމުމަކަށް ގެނެވިއްޖެ ކަމަށް ދަރަބުދޫ ކައުންސިލުން އިން ބުނެއެވެ.

ދަރަބޫދޫ ކައުންސިލް ރައީސް ސީއެންއެމްއަށް ވިދާޅުވީ އެރަށުގައި 2008 ވަނަ އަހަރު ބޭނުން ކުރަން ފެށި ބަނދަރުގެ ޖާގަ ކުޑަވުމުގެ ސަބަބުންނާއި ނެރު ތެރެއަށް ވެލި އެޅި ނާލު ބޯޓް ފަހަރަށް ބަނދަރު ނުކުރެވުމުގެ ސަބަބުން އެހެން ރަށް ރަށަށް ގޮސް މުދާ ގެންނަށް ކުރި ދަތުރުތައް ނިމުމަކަށް އަންނަ މަންޒަރު މިހާރު ފެންނަމުންދާ ކަމަށެވެ.

ކަންނެލި މަސްކަން ކުރާ ހަ ދޯންޏާއި ފަރު މަހަށް ދުއްވާ ހަތަރު ދޯނީގެ އިތުރުން 25 ފޫޓްގެ ހަ ޑިންގީ އޮންނަ އެ ރަށަށް ވަދެ ނުކުމެ ހަދަން ވަރަށް ބޮޑެތި އުނދަގޫތައް ދިމާ ވެފައިވާތީ ކައިރި ރަށްރަށުގެ މުދާ އުފުލާ ބޯޓް ފަހަރު ވެސް އެ ރަށަށް ކައިރި ނުކުރާ ކަމަށް ހަމީދު ވިދާޅުވިއެވެ.

އެ ރަށުގެ ބޭރުގައި ވެސް މުދާ އުފުލާ ބޯޓްފަހަރު މަޑު ނުކުރާ ކަމަށާއި، އެއީ ކަނޑު މަޑު ދުވަސް ވަރުގައި ވެސް ބޯޓު ފަހަރު މަޑު ނުކުރަނީ އެ ރަށު ކައިރި ވެސް ގަދަ ވުމުގެ ސަބަބުން ކަމަށް އޭނާ ވިދާޅުވި އެވެ.

މީގެ ގާތްގަނޑަކާށް 13އަހަރު ކުރިން 2ި008 ވަނަ އަހަރު އެ ރަށުގައި ބަނދަރެއް ހުޅުވި ނަމަވެސް މިދިޔަ ދުވަސްތަކުގައި އެ ބަނދަރާ އެކު ރައްޔިތުން ތިބީ ބަނދަރެއް ނެތި އެންމެ ކުރީގައި ވެސް އުޅުނު ހާލަތު ގައެވެ. 

ނަމަވެސް އެމްޓީސީސީން ވަނީ އެ ރަށުގައި ބަނދަރު ބޮޑުކުރުމުގެ މަޝްރޫއެއް ފަށައި ބޭރުތޮށި ލުމުގެ 85 އިންސައްތަ މަސައްކަތް ނިންމާފައެވެ. 

މިހާރު މަސައްކަތަށް ބޭނުންވާ ބޮޑުހިލައިގެ  އެންމެ  ފަހު ޝިޕްމަންޓް ވަނީ ޕްރޮޖެކްޓް ސައިޓަށް ގެންދެވިފައި ކަމަށް ވެސް އެމްޓީސީސީން ބުނެއެވެ.

ބަނދަރު މަޝްރޫއުގެ ދަށުން، 46,600 ކިއުބިކް މީޓަރުގެ ސަރަޙައްދެއްގެ ބަނދަރު ފުންކުރުމާއި، 253 މީޓަރުގެ ސަރަޙައްދެއްގައި އެއްގަމުތޮށި ލުމާއި، 410 މީޓަރުގެ ސަރަޙައްދެއްގައި ބޭރުތޮށި ލުމާއި، 64 މީޓަރުގެ ސަރަޙައްދެއްގައި ރިވެޓްމެންޓް ޖެހުމާއި، 2500 އަކަ މީޓަރުގެ ސަރަޙައްދެއްގައި ޕޭވްމަންޓް ހަދާ ނިންމާ ފައި ކަމަށްވެސް އެމްޓީސީސީން ބުނެއެވެ. 

އަދި ބަނދަރު ބައްތި ހަރުކުރުމުގެ މަސައްކަތް ވެސް އޭގެ ތެރޭގައި ހިމެނޭ ކަމަށް އެ ކުންފުނިން ބުނެފައި ވެއެވެ. 

މި މަޝްރޫއުގެ އަގަކީ ޖުމްލަ 40.2 މިލިއަން ރުފިޔާގެ މަޝްރޫއެއް ކަމަށް ވެސް އެ ކުންފުނިން ބުނެފައި ވެއެވެ. ބުނެއެވެ.