މިމަހުގެ 25 ގައި ރިލީޒް ކުރި މި ފިލްމް "ގަންގޫބާއީ ހަރްޖިވަންދާސް”އަކީ މުމްބާއީގެ ކުރީގެ މާފިއާ ކުއީންއެއް ކަމަށްވާ ގަންގާގެ ހަޔާތުގެ މައްޗަށް ތައްޔާރުކޮށްފައިވާ ފިލްމެކެވެ. މި ފިލްމަށް ތިން ދުވަހުގެ ތެރޭގައި ވަނީ 10 ކްރޯޑު ރުޕީސް ލިބިފައެވެ. އާލިއާގެ އިތުރުން މި ފިލްމުގައި ބޮލީވުޑްގެ މަޝްހޫރު ބަތަލް އަޖޭ ދޭވްގަން ވެސް ފެނިގެންދެ އެވެ.
ފިލްމު ރިލީޒް ކުރުމުގެ ކުރިން ގިނަ ބަޔަކު ދިޔައީ އާލިއާގެ މޫނުމަތިން ހަރު ވައްތަރު ނުޖެހުމާއި އާލިއާއަށް ވުރެ އެ ރޯލަށް ފިޓުވާ ބޮލީވުޑްގެ އަންހެން ތަރިން ތިބިކަމަށާއި އެތައް ކްރޯޑް ރުޕީސްގެ ގެއްލުން ވާނެކަމަށް ބުނެ ފާޑު ކިޔަމުންނެވެ. އޭގެ ތެރޭގައި ބަތަލާ ކަންގަނާ ވެސް ހިމެނެ އެވެ.
ނަމަވެސް ފިލްމު ރިލީޒް ކުރުމާ އެކު އެތައް ބައެއްގެ ތައުރީފު އާލިއާއަށް ލިބެމުންދާއިރު ފާޑުކިޔާ ހެދި މީހުންވަނީ އާޝޯހުކޮށްލާފަ އެވެ. އޭނާއަށް ތައުރީފުކުރި މީހުންގެ މަޝްޙޫރު ޑިރެކްޓަރ ކަރަން ޖޯހަރު ވެސް ވަނީ އާލިއާގެ ހުނަރުވެރި ކަމާއި މޮޅުކަމުން ހައިރާން ކޮށްފި ކަމަށް ބުނެ ތައުރީފް ކޮށްފައެވެ.
