މި ދެ ތަރިން ރަން ކިޔާފައިވަނީ ވިލިމާލޭގައި މި ދެ ތަރިންގެ އާއިލާއާ އެކު މިއަދު ބޭއްވި ކުޑަ ހަފްލާއެއްގަ އެވެ.
ވިލިމާލޭގެ ބީޗް ސަރަހައްދުގައި ބޭއްވި މި ހަފްލާގައި މުއާ އާއި އައްޒަ ތިބީ ދިވެހިވަންތަ ހެދުމުގަ އެވެ. އެގޮތުން އައްޒަ ލިބާހެއް ލައިގެން ހުރި އިރު މުއާ ހުރީ ހުދު މުންޑަކާއި ހުދު ގަމީހެއް ލައިގެންނެވެ.
އައްޒަ ރަން ކިޔާފައިވާ 30 ރުފިޔާ އަށް ކަމަށް މައުލޫމާތު ލިބެ އެވެ.
މުއާއާއި އައްޒަ ލޯބީގެ ގޮތުން ގުޅުނީ މި ދެ ތަރިން އެކުގައި ފެނިގެން ދިޔަ މުއާގެ ފިލްމު "ލީނާ"ގެ ޝޫޓިންއަށް ފަހު އެވެ.
އައްޒައާއި މުއާ ވެސް މީގެކުރިން ކައިވެންޏެއް ކޮށްފައިވާއިރު ދެ މީހުންނަށް ވެސް ކުރީގެ ކައިވެންޏަށް އެއް ކުއްޖަކު ލިބިފައިވެ އެވެ.
މުއާ އާއި ކައިވެނިކުރަން އައްޒަ މިއަދު ރަންކީ ނަމަވެސް މި ދެ ތަރިން ކައިވެނިކުރާނެ ވަކި ދުވަހެއް މިއަދު ހާމަކޮށްފައެއް ނުވެ އެވެ.
