އޭނާއަށް މިވަގުތު އެ ރަށު ސިއްހީ މަރުކަޒުގައި ދަނީ ފަރުވާދެމުންނެވެ. ވާހަކަދައްކާކަށް ފަސޭހަައެއް ނޫނެވެ.
އަހުމަދުގެ ގާތުގައި އިދެފައި ނިކުތް ދިޔަމިގިލީ ކައުންސިލުގެ ރައީސް އަހުމަދު މޫސާ “ސީއެންއެމް” އަށް ވިދާޅުވީ، ހާލު ސީރިއަސް ކަމަށާއި، ސީރިއަސް ޒަހަމުތަކެއް ލިބިފައިވާ ކަމަށެވެ.
އެގޮތުން އަހުމަދު ރަޝީދުގެ ބުރަކަށީގެ ފަސް ތަނަކަަށް ތޫނު އެެއްޗަކުން ހަމަލާދިނުމުގެ ސަބަބުން ފުން ޒަހަމުތަކެއް ލިބިފައިވާ ކަމަށް ވިދާޅުވިއެވެ. އޭނާގެ ކަރަށްވެސް ފުން ޒަހަމެއް ވަނީ ލިބިފައެވެ.
ހަމަލާދިނީ ވަރަށް ގާތްކޮށް އުޅުން ރަށްޓެއްސެއް، ވީ ކީއްކަމެއް ނޭނގޭ!
ކައުންސިލުގެ ރައީސް އަހްމަދު ވިދާޅުވީ، ހަމަލާދީފައިވަނީ އުމުރުން 35 އަހަރުގެ(ލަފާކޮށްލެވޭ އުމުރު) އަހްމަދު ރަޝީދުއާއި ގާތްކޮށް އުޅޭ އެކުވެރިއެއް ކަމަށެވެ. ދެމީހުންގެ މެދުގައި ހިތްހަމަ ނުޖެހިގެން ކަމެއް ހިނގާފައިވާކަންވެސް އެގިފައިނުވާކަމަށް އޭނާ ވިދާޅުވިއެވެ.
އަހްމަދު ރަޝީދަށް ހަމަލާދިންކަން އެގުނީ އެވަގުތު ހަޅޭލަވާތީ އެސަރަހައްދުގައި އުޅޭ މީހުން ނިކުތުމުންނެވެ. ހަމަލާދިން ވަގުތު ދެމީހުން ތިބީ މަގުމަތީގައެވެ.
