އަބްދުއް ރަޝީދު އަވަހާރަވީ މިއަދު ހެނދުނު އިންޑިއާގެ ބެންގަލޫރުގައި ސިއްހީ ފަރުވާ ހޯއްދަވަމުން ގެންދަނިކޮށެވެ.
އަބްދުއްރަޝީދު އަވަހާރަވީ އުމުރުން 75 އަހަރުގަ އެވެ. އަވަހާރަވިއިރު އަނބިކަނބަލަކާއި, ހަތަރު ދަރިކަލުންނާއި, ތިން ދަރިކަނބަލުން އެބަ ތިއްބެވި އެވެ.
އަބްދުއްރަޝީދު ވަނީ 20 އަހަރު ވަންދެން ރައްޔިތުންގެ މަޖިލީހުގެ އަރި އަތޮޅުގެ މެންބަރުކަން ކުރައްވާފައެވެ. އަދި ހަމައެހެންމެ ދެ ފަހަރެއްގެ މަތިން އެ އަތޮޅުގެ އަތޮޅުވެރިކަން ވެސްކުރެއްވި އެވެ.
މީގެ އިތުރުން އަބްދުއްރަޝީދު ވަނީ ބަންޑާރަ ނައިބުގެ އެހީތެރިޔާގެ މަގާމާއި, އަހްމަދިއްޔާ ސުކޫލުގެ ފުރަަތަމަ ނާޒިރުކަމުގެ މަގާމާއި, ތިންް ވަނަ ނާޒިރުކަމުގެ މަގާމާއި, ފުލުސް ކޯޓުގެ އިސް ގާޒީކަމުގެ މަގާމު ވެސް އަދާކުރައްވާފަ އެވެ.
އެނގިފައިވާ ގޮތުގައި އަބްދުއްރަޝީދުގެ ޖަނާޒާގެ ކަންކަން ބާއްވަން ހަމަޖެހިފައިވަނީ މާލޭގަ އެވެ. އެ ގޮތުން އަބްދުއް ރަޝީދުގެ ހަށިކޮޅު މާލެ ގެނައުމުގެ މަސައްކަތް ކުރަމުންދާކަމަށް މައުލޫމާތު ލިބެ އެވެ.
