އަޙްމަދިއްޔާގެ ފުރަތަމަ ނާޒިރު މ. ޒޭވަރު އަބްދުއްރަޝީދު އަލީ އަވަހާރަވުމާގުޅިގެން އަހުމަދިއްޔާ އިންޓަނޭޝަނަލް ސްކޫލުން ވަނީ އެއާއިލާއަށް ތައުޒިޔާ ދަންނަވާފައެވެ.
އެކަމުގެ ހިތާމަ ފާޅުކޮށް ނެރުނު މެސެޖްގައި އެސްކޫލުން ބުނެފައިވަނީ އަބްދުއްރަޝީދު އަލީގެ ލޮބުވެތި ޢާއިލާއަށް އަޙްމަދިއްޔާ އިންޓަނޭޝަނަލް ސްކޫލްގެ ޕްރިންސިޕަލާއި މުއައްޒަފުންނާއި މުދައްރިސުންނާއި ދަރިވަރުންނާއި ބެލެނިވެރިންގެ ނަމުގައި އިހްލާސްތެރި ތައުޒިޔާ ދަންނަވާ ކަމަށެވެ.
އަދި މި ހިތާމައިގައި އަޙްމަދިއްޔާ އިންޓަރނޭޝަނަލް ސްކޫލްގެ ދިދަ މިއަދުންފެށިގެން 3 ދުވަހު ބައި ދަނޑިއަށް ތިރިކުރުމަށްވަނީ ހަމަޖެހިފައިވާ ކަމަށްވެސް އެސްކޫލުން ވަނީ ބުނެފައެވެ.
