އެސްޓީއޯގެ ޕެއިންޓް ޝޯރޫމްގައި މިކަމަށްޓަކައި ބޭއްވި ހާއްސަ ރަސްމިއްޔާތުގައި މި ޕްރޮމޯޝަން އިފްތިތާހު ކޮށްދެއްވީ އެސްޓީއޯގެ ސީއީއޯ އަދި އެމްޑީ ހުސެން އަމްރު މުހައްމަދު ރަޝާދުއެވެ.
އެސްޓީއޯއިން މައުލޫމާތު ދޭ ގޮތުގައި މި ޕްރޮމޯޝަން ކުރިއަށް ދާނީ މިއަދުން ފެށިގެން އޭޕްރީލް މަހުގެ 30 ވަނަ ދުވަހާއި ހަމައަށެވެ. އަދި މި ޕްރޮމޯޝަންގެ ދަށުން ކުލައާއި ދަވާދު ގަންނަ ފަރާތްތަކަށް 20 އިންސައްތައާއި ހަމައަށް ޑިސްކައުންޓް ލިބިގެން ދާނެ ކަމަށްވެސް އެސްޓީއޯއިން ވަނީ ބުނެފައެވެ.
މި ޕްރޮމޯޝަންގެ ތެރެއިން ޕެއިންޓް އައިޓަމް ގަންނަ ފަރާތްތަކަށް ހާއްސަކޮށްގެން ލަކީޑްރޯއެއްގައި ބައިވެރި ވުމުގެ ފުރުސަތުވެސް ހުޅުވާލާފައިވާ ކަމަށް އެސްޓީއޯއިން ވަނީ ބުނެފައެވެ.
މީގެ އިތުރުން އެސްޓީއޯއިން ބުނީ މި ޕްރޮމޯޝަންގައި ތަފާތު އެކި އަގުހުރި އިނާމުތައް ލިބުމުގެ ފުރުސަތު އޮންނާނެ ކަމަށެވެ.
