އަފްއާނިސްތާން --
ތާލިބާނުން ހައްޔަރުކުރި ޑިސްޓްރިކްޓް ގަވަރުނަރެއް ފިލައިފި!
ލީވާން އަލީ ނާސިރު
29 މާރޗް 2022 - 20:55:49
އަފްއާނިސްތާނުގެ ޓަކާރް ޕްރޮވިންސްގެ ގަވަރުނަރު އަބްދުލް ގާދިރު ހައްޔަރުކޮށްފައި ހުއްޓާ ބަންދުން ފިލައިފިއެވެ.
Advertisement
އަފްއާނިސްތާނުގެ ލޯކަލް މީޑިއާއާ އިން ބުނީ، ހޮނިހިރު ދުވަހު ގާދިރު ހައްޔަރުކޮށްފައި ވަނީ އިސްލާމިކް ސްޓޭޓް (އައިއެސް) އާ ގުޅުހުން ހުރި ކަމަށް ބެލެވިގެންނެވެ.
ނަމަވެސް، އަފްއާނިސްތާނުގެ ހަޖާ ގަރް ޑިސްޓްރިކްޓުގައި ހުއްޓާ ތާލިބާނުން ހައްޔަރުކުރި ގާދިރު ވަނީ އެމީހުންގެ އަތް ދަށުން އާދީއްތަ ދުވަހު ސަލާމަތްވެ، ފިލާފައި ކަމަށް އެ ގައުމުގެ ލޯކަލް މީޑިއާ އިން ބުނެއެވެ.
"އިސްލާމިކް ސްޓޭޓްގެ ޓަކާރް ޕްރޮވިންސްގެ ގަވަރުނަރު އަބްދުލް ގާދިރު ވަނީ ހޮނިހިރު ދުވަހު ހައްޔަރުކޮށްފައި. އޭނާ ހައްޔަރުކުރީ އައިއެސްއާއެކު ގުޅުން އޮންނަ ކަމުގެ ތުހުމަތުގައި. އޭނާ ވަނީ އާދީއްތަ ދުވަހު ބަންދުގައި ހުއްޓާ ފިލާފައި" ލޯކަލް މީޑިއާއިން ކުރި ޓުވީޓެއްގައި ވަނީ ބުނެފައެވެ.
މިދިޔަ އަހަރުގެ އޯގަސްޓް މަހު އަފްއާނިސްތާން ތާލިބާނުން އަތްދަށަށް ގެނައި ފަހުން، އެ ޖަމާއަތަށް އަންނަނީ އައިއެސްގެ ފަރާތުން ގިނަ އުނދަގޫތަކެއް ކުރިމަތިވަމުންނެވެ.
މީގެއިތުރުން، އަފްއާނިސްތާނުގައި އައިއެސް ޖަމާއަތުގެ މީހުން ގިނަވެ، ތާލިބާނަށް އެމީހުންގެ ބާރު އެ ގައުމުގައި ދެމެހެއްޓުމަށްވެސް އަންނަނީ ގިނަ ހުރަސްތަކެއް ކުރިމަތިވަމުންކަން ފާހަގަކުރެވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
