ފުލުހުންގެ އަހަރީ ދުވަހުގެ މުނާސަބަތުގައި މިރޭ ވާހަކަ ދައްކަވަމުން ރައީސް ސޯލިހު ވިދާޅުވީ ކުރިއެރުމަށްޓަކައި ފުރަތަމަ ކުރިއަރަން ޖެހެނީ ނަފްސުކަމަށާއި، އަދި ކަންކުރާ މީހާއަށް ލިބިފައިހުރި އީޖާދީ ވިސްނުންކަމަށެވެ. އަދި ކުރިއަރަން ޖެހެނީ ތައުލޫމާއި ތަމްރީނާއި، އަދި ވަކިން ހާއްސަކޮށް ހެޔޮ ހުލްގު ކަމަށް ރައީސް ވިދާޅުވިއެވެ.
ރައީސް ސޯލިހު ވިދާޅުވީ ދެކުނުގައި ހުޅުވުނު ޕޮލިސް ކޮލެޖަކީ އެކަިސަރުކާރު ތަކުން ކުރި ބުރަ މަސައްކަތުގެ ނަތީޖާ ކަމަށެވެ. އަދި އެއީ ދިވެހީންގެ އަމިއްލަ ސަލާމަތާއި، ރައްކާތެރިކަމާއި، ގައުމީ މަސްލަހަތު ދިފާއު ކުރުމުގެ ގާބިލުކަން ދިވެހީންގެ ކިބައިގައި އުފެއްދުމުގެ އެއް ބިނާ ކަމަށެވެ.
މިކަމުގައި އިނޑިޔާގެ ނިޔަތް ހެޔޮކަމަށް ވިދާޅުވެ ރައީސް ސޯލިހު ވަނީ މިކަމަށްޓަކައި މަސައްކަތް ކުރެއްވި ކުރީގެ ސަރުކާރު ތަކަށް ޝުކުރު ދަންނަވާފައެވެ.
