Advertisement

ދިވެހިރާއްޖޭގައި މުދަލާއި ހިދުމަތްތަކުގެ އަގުތައް އުފުލެނީ މާލޭގެ ބޮޑު ކުލީގެ ސަބަބުން ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު އަލީ ހުސައިން ވިދާޅުވެއްޖެ އެވެ.

އަލީ ހުސައިން މިފަދައިން ވިދާޅުވެފައިވަނީ ކުރެއްވި ޓްވީޓެއްގަ އެވެ.

އެގޮތުން އަލީ ހުސައިން ކުރެއްވި ޓްވީޓެއްގައި ވިދާޅުވެފައިވަނީ، ދިވެހި ރާއްޖޭގެ އިންފްލޭޝަން ނުވަތަ މުދަލާއި ހިދުމަތުގެ އަގު އުފުލުމުގައި އެންމެ ބޮޑު ދައުރެއް އަދާކުރަނީ މާލޭގެ ބޮޑުކުލި ކަމަށެވެ.

"މުދަލާއި ޚިދުމަތުގެ އަގުގެ މައިގަނޑު ބަޔަކީ މާލޭގެ ބޮޑު ކުއްޔަށް އެކިގޮތްގޮތުން ކުރާޚަރަދު." އަލީ ހުސައިންގެ ޓްވީޓްގައި ވެއެވެ.

ދިވެހި ރާޢްޖޭގެ އިންފްލޭޝަން ނުވަތަ މުަދަލާއި ޚިދުމަތުގެ އަގު އުފުލުމުގައި އެންބޮޑު ދައުރެއް އަދާކުރަނީ މާލޭގެ ބޮޑުކުލި. މުދަލާއި ޚިދުމަތުގެ އަގުގެ މައިގަނޑު ބަޔަކީ މާލޭގެ ބޮޑު ކުއްޔަށް އެކިގޮތްގޮތުން ކުރާޚަރަދު.

— Ali Hussain (@AleeVoice) January 3, 2020

އަލީ ހުސައިން މިފަދައިން ޓްވީޓެއް ކުރައްވާފައިވާއިރު، މީގެ ކުރިންވެސް އަލީ ހުސައިން ވަނީ މާލޭގެ ކުލި ކޮންޓްރޯލް ކުރުމުގެ މައްސަލައިގައި ޓްވީޓްތަކެއް ކުރައްވާފައެވެ. އެގޮތުން އަލީ ހުސައިން ވިދާޅުވެފައިވަނީ، ދައުލަތުގެ މިލްކުވެރިކަން އޮންނަ ބަންޑާރަ ބިމުގައި އަޅާފައި ހުންނަ އިމާރާތެއްގެ ކުލި ކޮންޓްރޯލުކޮށް ރެގިއުލޭޓު ކުރުމަކީ ދައުލަތައް ނުވަތަ ސަރުކާރަށް ކުރެވޭނެ ކަމެއްކަމަށެވެ.

އަދި މާލޭގެ ކުލީގެ މައްސަލަ ހައްލުކޮށް ކޮންޓްރޯލް ކުރެވޭނެ ކަމަށް ވެސް އަލީ ހުސައިން މީގެ ކުރިން ވިދާޅުވެފައިވެ އެވެ. އަދި މާލޭގެ ކުލީގެ މައްސަލަަ ހައްލުވާނީ މާލޭގައި ދިރިއުޅެން މަޖުބޫރުވެފައިވާވުން ކުޑަކުރުމުން ކަމަށް އަލީ ހުސައިން ވިދާޅުވެފައިވެއެވެ.