ލާމް ދެވަނަ ދައުރަކަށް ކުރިމަތި ނުލައްވަން ނިންމެވީ، ހޮންކޮންގެ ދާހިލީ މިނިވަންކަން ނިގުޅައިގަނެފައިވާ ކަމަށް ބުނެ، ހޮންކޮންގެ ގިނަ ބައެއްގެ މެދުގައި ހިޔާލު ތަފާތުވުން އުފެދިފައިވާތީއެވެ.
ޗީފް އެގްޒެކެޓިވްގެ ހައިސިއްޔަތުން ލާމް ވަނީ ޗައިނާގެ ނުފޫޒު ހޮންކޮންގައި ވަރަށް ބޮޑަށް ގަދަވެފައިވާ ދުވަސްވަރެއްގައި، 2019 ވަނަ އަހަރު ހޮންގްކޮންގްގައި ބޮޑެތި މުޒާހަރާތަކެއް ކުރި ދުވަސްތަކަކާ ކުރިމަތި ލައްވާފައެވެ.
64 އަހަރުގެ މިސް ލާމް އަކީ 2017 ވަނަ އަހަރު ގައުމާ ހަވާލުވެވަޑައިގެންނެވި ބޭފުޅެކެވެ.
ހޯމަ ދުވަހު ނޫސްވެރިންނާ ވާހަކަ ދައްކަވަމުން އޭނާ ވިދާޅުވީ އޭނާ އިސްކަން ދެއްވަނީ އާއިލާއަށް ކަމަށެވެ.
މިސް ލާމްގެ ބަދަލުގައި ހޮންކޮންގެ ކުރީގެ ޗީފް ސެކްރެޓަރީ ޖޯން ލީ ގެންނަން އުޅޭ ކަމުގެ އިޝާރާތެއް ވަނީ ދީފައެވެ.
ލާމް ކުރިމަތި ނުލައްވާނެކަން އިއުލާނު ކުރައްވާފައިވަނީ ، މިހަފްތާގެ ތެރޭގައި ލީޑަރޝިޕްގެ މަޤާމަށް ކުރިމަތިލައްވާނެ ކަމަށް މިސްޓަރ ލީ، ވިދާޅުވެފައިވަނިކޮށެވެ.
އެ ސިޓީގެ ލީޑަރުން ހޮވަނީ ކުޑަ ކޮމިޓީއަކުން ކަމަށްވާއިރު، އެ ކޮމިޓީގެ ގާތްގަނޑަކަށް ހުރިހާ މެމްބަރުންނަކީ ބެއިޖިންއަށް ތާއީދުކުރާ މެންބަރުންނެވެ. އަންނަ މަހު އާ ޗީފް އެގްޒެކެޓިވް ހޮވުމަށް ވަނީ ހަމަޖެހިފަ އެވެ.
