މިކަމާއި ގުޅިގެން "ސީއެންއެމް" އާއި ވާހަކަ ދެއްކި އެރަށު ކައުންސިލް މެމްބަރަކު ވިދާޅުވީ، މަރުވީ އެރަށު ސުކޫލުގެ ސައިންސް މާއްދާ ކިޔަވައިދެމުން ދިޔަ އިންޑިއާގެ ޓީޗަރު ކަމަށްވާ މަނޯޖް ކުމާރް ކަމަށެވެ.
މީގެ އިތުރުން މެމްބަރު ވިދާޅުވީ، މަނޯކް ކުމާރް މަރުވީ، މިއަދު މެންދުރު 12:00 ހާއިރު ސިއްހީ މައްސަލަތަކެއް ދިމާވެގެން އެރަށު ސިއްހީ މަރުކަޒަށް ގެންގޮސް ފަރުވާ ދެމުން ދަނިކޮށް ހާޓްއެޓޭކެއް ޖެހިގެން ކަމަށެވެ.
މީގެ އިތުރުން މެމްބަރު ބުނީ، މިހާރު ޓީޗަރުގެ ހަށިގަނޑު މާލެއަށް ފޮނުވުމަށް މަސައްކަތް ކުރަމުން އަންނަ ކަމަށެވެ. އަދި ޓީޗަރުގެ މަރާއި އެކު ގިނަ ދަރިވަރުން އެކަމާއި މެދު ހިތާމަ ފާޅު ކުރަމުން އަންނަ ކަމަށްވެސް ވަނީ ބުނެފައެވެ.
މަނޯޖްކުމާރު ނިޔާވުމާއި ގުޅިގެން އެޑިއުކޭޝަން މިނިސްޓްރީން ވަނީ މަނޯޖްކުމާރުގެ އާއިލާއަށް ތައުޒިޔާ ކިޔާފައެވެ. އޭނާ ވަނީ ރާއްޖޭގެ އެކި ސުކޫލް ތަކުގައި އަށް އަހަރު ވަންދެން ޓީޗަރެއްގެ މަސައްކަތް ކޮށްދީފައެވެ.
