ތިނަދޫ ކައުންސިލްގެ، ރައީސް ސައުދު އަލީ ވިދާޅުވީ ފުލެޓް ސަރަހައްދުގެ ބައެއް ފުލެޓް ތަކުގައި މައްސަކަތް ކުރާ ފަރާތްތަކުން ރޭގަނޑު ނުވައެއްގެ ފަހުންވެސް މަސައްކަތް ކުރަމުންދާ ކަމަށެވެ. އެގޮތުން އަޑުގަދަވެ ކުދިން ނިންދެވުމަށާއި، ކިޔަވާ ކުދިންނަށްވެސް ފިލާވަޅު ދަސްކުރުމާއި އެހެނިހެން ކަންކަމުގައި އުނދަގޫ ތައް ވަމުންދާތީ ބެލެނެވެރިންނާއި އާންމު ފަރާތްތަކުގެ ޝަކުވާ ކައުންސިލަށް ލިބިފައިވާ ކަމަށެވެ.
އެކަމާ ގުޅިގެން ފުލުހުންވެސް އެސަރަހައްދަށް އެޓެންޑް ވެފައިވާ ކަމަށާއި، އަދި ގަވައިދު ބުނެފައިވާ ގޮތަށް އަަމަލު ނުކުރާ ފަރާތްތަކަށް ފިޔަވަޅު އަޅޭނެ ކަމަށްވެސް އޭނާ ވިދާޅު ވިއެވެ.
ތިނަދޫ ކައުންސިލުން ނެރެފައިވާ އިއުލާނެއްގައި ބުނެފައިވަނީ ފުލެޓް ސަރަހައްދުގައި އެނޫން ގަޑިތަކުގައިވެސް މަސައްކަތް ކުރަންވާނީ ކައުންސިލުން ހާސަ ހުއްދައެއް ނަގައިގެން ކަމަށެވެ.
އަދި އޭގެ ސަބަބުން އަނެކުންނަށް އުދަނގޫވެ، އާންމު އުދަނގުލާއި ކުރިމަތިލާން ޖެހުމުން ފުލެޓްތަކުގައި ދިރިއުޅުއްވާ ފަރާތްތަކުގެ ޝަކުވާ ކައުންސިލަށް ލިބެމުންދާތީ ކަމުގައެވެ.
އަދި އިތުރަށް ސައުދު ވިދާޅުވެފައި ވަނީ އެފަދަ މައްސަލަ ހައްލުކުރުމުގެ ގޮތުން ކަޑައަޅާފައިވާ ގަޑި ތަކުގައި މަސައްކަތް ކުރާފަރާތް ތަކުންވެސް މަސައްކަތް ކުރުމަށެވެ. އެގޮތުން މަސައްކަތް ކުރާ ފަރާތްތަކުން ހެނދުނު އަށަކުން ރޭގަނޑު ނުވަޔަކަށް މަސައްކަތް ކުރުމަށް އެދިފައި ވެއެވެ.
