މިދިޔަ މާޗު މަހު އޮންލައިން ގޭމެއް ކަމަށްވާ "އެކްސީ އިންފިނިޓީ" ގައި ބައިވެރިވި ގިނަ އަދަދެއްގެ މީހުން އަތުން 615 މިލިއަން ޑޮލަރަށް ވުރެ އަގުހުރި ކްރިޕްޓޯ ކަރަންސީ ވަނީ ވަގަށް ނަގާފައެވެ.
މިކަމާއި ގުޅިގެން ބައިނަލްއަގްވާމީ އިދާރާތަކުން ހިންގަމުން އަންނަ ތަހުގީގުގެ މައުލޫމާތު ހިއްސާ ކުރަމުން އެފްބީއައި އިން ނެރުނު ބަޔާނެއްގައި ބުނެފައިވަނީ، މިހާތަނަށް ބެލި ބެލުމުން މި ކަން ކުރުމުގެ އަޑީގައި ތިބީ، އުތުރު ކޮރެއާގެ ހެކަރުން ކަން އެނގޭ ކަމަށާއި، މިއީ ދެކުނު ކޮރެއާގެ ސަރުކާރުގެ އެހީތެރި ކަމާއި އެކު އެ ހެކަރުން ހިންގި ޖަރީމާއެއް ކަމަށެވެ.
އަދި މި ހެކަރުންނަކީ 2014 ވަނަ އަހަރު ސޮނީ ޕިކްޗާސް ހެކް ކުރި "ލަޒާރުޒް" ގޭންގު ކަމަށާއި، އެމީހުން މިކަން ކުރަނީ، އުތުރު ކޮރެއާގެ އިންޓެލިޖެންސް އޭޖެންސީގެ ފުރިހަމަ ހިމާޔަތުގައި ތިބެގެން ކަމަށެވެ. އަދި މިގޮތަށް ހެކް ކޮށްގެން ހޯދާ ފައިސާ ހަރަދު ކުރަނީ އުތުރު ކޮރެއާގެ ނިއުކްލިއާ ހަތިޔާރު އުފެއްދުމަށް ކަމަށްވެސް އެފްބީއައި އިން ވަނީ ބުނެފައެވެ.
މިހާތަނަށް އާއްމުވެފައިވާ މައުލޫމާތު ތަކަށް ބަލާއިރު އުތުރު ކޮރެއާގެ ހެކަރުން ނުވަތަ ސައިބާ ވޯފެއާ ޔުނިޓުގައި 6000 އަށް ވުރެ ގިނަ މީހުން އަންނަނީ ހަރަކާތްތެރި ވަމުންނެވެ.
