މަޖީދިއްޔާގެ މައްސަލަ މިހެން އޮތް އިރު ރާއްޖޭގެ ބައެއް އެހެން ސްކޫލްތަކުގައިވެސް މިމައްސަލަ އެބައޮތްކަމަށް މައުލޫމާތު ދިން ފަރާތުން ވަނީ ބުނެފައެވެ.
މިމައްސަލަ މިހެން އޮތްއިރު، ސިވިލް ސާވިސްގައި މަސައްކަތް ކުރާ ޓީޗަރުންނަށް ހައްގުވާ އެކިއެކި ޕްރޮމޯޝަންތަކާއި ހައްގުވާ މަގާމާއި، ކުރިއެރުން ނުލިބޭ މައްސަލައިގައި ކޯޓަށްދާން ޓީޗާސް އެސޯސިއޭޝަނުން ނިންމައި އިއްޔެ ވަނީ ބަޔާނެއް ނެރެފައެވެ.
"ސީއެންއެމް" އަށް މައުލޫމާތު ދިން ފަރާތުން ވިދާޅުވީ ކޮވިޑްގެ ހާލަތުގައި އިނާޔަތާއި ބައެއް ޕްރޮމޯޝަންތައް ޓީޗަރުންނަށް ނުދީ ހިފަހެއްޓުން އަދި އަދަށްވެސް ވަނީ އެގޮތުގައި ދަންމާލާފައި ކަމަށެވެ.
އެގޮތުން އެންމެ ބޮޑަށް އެމައްސަލަ ފާހަގަ ކުރެވެނީ މަޖީދިއްޔާ ސުކޫލުގައި ކަމަށާއި، އެ ސުކޫލުގައި އެކަނި 50 ޓީޗަރަކަށް ލިބެންޖެހޭ ހައްގުތައް ނުލިބިފައިވާ ކަމަށެވެ.
ޓީޗަރުންގެ ފަރާތުން އެ މައްސަލައިގައި ވަކާލާތުކުރާނީ ޕަބްލިކް އިންޓަރެސްޓް ލޯ ސެންޓަރުންނެވެ.
އިތުރަށް އެ ބަޔާނުުގައި ބުނެފައިވަނީ ޓީޗަރުންގެ ތެރެއިން އެފަދަ ޝަކުވާތައް ހުރި ފަރާތްތަކުގެ ތެރެއިން މާލީ ތަނަވަސްކަން ނެތުމުގެ ސަބަބުން ގާނޫނީ އެހީތެރިކަން ހޯދުމަށް ދަތިވެފައިވާ ފަރާތްތަކަށް ގާނޫނީ އެހީތެރިކަން އެ ސެންޓަރުން ފޯރުކޮށްދޭނެ ކަމަށެވެ.
