މި ޒުވާބުތައް ފެށިގެން އަަައީ ރައީސް ނަޝީދުގެ ކޮއްކޮ އަދި މަޖިލީހުގެ ނާއިބު ރައީސް އީވާ އަބްދުﷲގެ ފިރިކަލުން ސާބެގެ “ރިޔަން” ކުންފުންޏާއި މި ސަރުކާރުން ހަވާލުކޮށްފައިވާ އައްޑޫ މަސް ފެކްޓްރީތައް ނުހެދި ލަސްވުމުގެ ޒިންމާ ސަރުކާރުގެ ބޮލުގައި އަޅުވާ މެންބަރު އިލްޔާސް ލަބީބް އައްޑޫގައި އޮތް ބައްދަލްވުމެއްގައި ވާހަކަފުުޅު ދެއްކެވުމުންނެވެ.
ލަބީބުގެ މިވާހަކަތަކަަށް ވަޓްސް އެޕް ގުރޫޕްތެރޭ ރައްދުދެއްވައި، އެމްޑީޕީގެ ޕީޖީ ގުރޫޕްގެ ނާއިބު ލީޑަރު، ހެންވޭރު ދެކުނު ދާއިރާގެ މެންބަރު ހުސައިން ޝަހީމް (އަނދުން ހުސައިން)ފޮނުވި މެސެޖުގައި ވަނީ މަސްފެކްޓްރީ ލަސްވާ ވާހަކަ ދައްކަވަން އިލްޔާސް ލަބީބް ލަދު ގަންނަން ޖެހޭނެ ކަމަށާއި، އެ މަސައްކަތް ލަސްވަނީ އެކަން ނުކުރެވޭ ވަރުގެ ބަޔަކާ ހަވާލު ކުރުމުން ކަމަށެވެ.
އެވާހަކަތަކަށް ތާއިދުކުރައްވާ ފޭދޫ ދާއިރާގެ މެންބަރު މުހައްމަދު ނިހާދު ފޮނުވި މެސެޖުގައި އޮތީ ރިޔަން ކުންފުންޏާއި ހަވާލުކޮށްފައި އޮތް އައްޑޫގެ ލޭންޑް ޔޫސް ޕްލޭން ހެދުން ވެސް ފޮނުވާލީ ޖައްވަށް ކަމަށެވެ.
ނަޝީދުގެ އެ މެސުޖުގެ ރައްދުގައި ނިހާދު ވަނީ އީވާގެ ފިރިކަލުންގެ ކުންފުންޏަށް މަސް ފެކްޓްރީ ޕްރޮޖެކްޓް ހަވާލުކުރީ އިލްޔާސް ލަބީބުގެ އެދުމަކަށް ކަމަށާއި، ނަޝީދު ވިދާޅުވާ ވާހަކަފުޅު ރަނގަޅު ކަމަށް ވިދާޅުވެފައެވެ.
ނަޝީދަށް ރައްދުދެއްވުމުން ހިތްހަމަޖެހިވަޑައި ނުގަތް ނަޝީދު ރައްދުގައި ވިދާޅުވީ، ނިހާދު، އެމަނިކުފާނު ގާތުގައި ފާޑުފާޑުގެ ވާހަކަ ދައްކަވަނީ އައްޑޫ މަސް ފެކްޓްރީތަކަށް ވީގޮތް އޮޅިގެނެއް ނޫން ކަމަށާއި، ރައްދުދެއްވަން ޖެހިވަޑައި ނުގަންނަވާނެ ކަމަށެެވެ.
ނަޝީދު ވިދާޅުވިއެވެ.
ނަޝީދު މިގޮތަށް ހިތްހަމަޖެހިވަޑައި ނުގަތުމުން ދުވާފަރު ދާއިރާގެ މެންބަރު އިސްމާއީލް ވެސް ރައްދުގައި ވަނީ، އަބުރާއި އިއްޒަތް އޮތްް ހަމައެކަނި ބަޔަކީ މާލެ އާއި މާލެ ކައިރި ރަށްރަށުގެ ބޮޑުންތޯ ސުވާލު ކުރައްވާފައެވެ.
