ވިލިމާލެގައި އޮތް ތަރާވީހު ޖަލްސާއެއްގެ ތެރޭ ވާހަކަދައްކަވަމުން އިންތި ވިދާޅުވީ، އިންތިއާއި، ރައީސް ނަޝީދު އަދި ދެންވެސް އިންތިއަށް ތާއީދުކުރައްވާ މީހުންނަކީ ބަގާވާތްކުރަން އުޅޭ މީހުންގެ ގޮތުގައި ސިފަކޮށް ދާދި މިފަހަކުން ސަރުކާރުގެ ރަސްމީ ޖަލްސާއެއްގައި މަވޯޓާ ޝަރީފް ވާހަކަދައްކަވާފައިވާ ކަމަށެވެ.
މަވޯޓާ ޝަރީފަކީ ހުދު ބަގާވާތުގެ އަހުލުވެރިއެއް ކަން ފާހަގަކޮށް އިންތި ވިދާޅުވީ، ބަގާވާތަކުން ރައީސް ނަޝީދުގެ ވެރިކަން ވައްޓާލިއިރުވެސް އިސް ސަފުގައި މަވޯޓާ ހުންނެވި ކަމަށެވެ.
އެމްޑީޕީ އަށް ލޯބި އޮވެގެން ޕާޓީ ކުރިއަރުވައި، ޕާޓީއަށް ތާއީދުކުރާ މީހަކު އެވާހަކަތައް ގަބޫލު ނުކުރައްވާނެ ކަމަށާއި، ޕާޓީއަށް އަދި ސަރުކާރަށް އިހްލާސްތެރިވާނެ ބަޔަކީވެސް އަދި ސަރުކާރު ދަމަހައްޓާނެ ބަޔަކީވެސް އިންތިމެން ކަމަށް އޭނާ ވިދާޅުވިއެވެ.
އިންތި ވިދާޅުވީ، މި ސަރުކާރު ގެނައުމުގައި ހިއްސާ ބޮޑުވާނީވެސް ހަމަ އިންތިމެން ކަމަށާއި، އޭރު އެ ހިތްވަރު ނުކުރިނަމަ މިއަދު މި ސަރުކާރެއްވެސް ނޯތީސް ކަމަށް އިންތި ވިދާޅުވިއެވެ.
އެމްޑީޕީއަކީ އަބަދުވެސް އެއް ރޫހެއްގައި މަސައްކަތްކުރި ވަރުގަދަ ޕާޓީއެއް ކަން ފާހަގަކޮށް އިންތި ވިދާޅުވީ، ޕާޓީ ބައިބައިކުރަން މީގެ ކުރިންވެެސް އިދިކޮޅު ސިޔާސީ އެހެން ޕާޓީތަކުން މަސައްކަތް ކުރިމަށެވެ. ނަމަވެސް އެކަން ކާމިޔާބު ނުވިކަމަށާއި، މިއަދު ފެންނަ ހިތާމަވެރި މަންޒަރަކީ ޕާޓީތެރެއިން ޕާޓީ ބައިބައިކުރަން އުޅޭ މަންޒަރު ކަމަށެވެ.
އެކަން އެހެންވިޔަ ނުދޭނެ ކަމަށް އިންތި ވިދާޅުވިއެވެ. އިންތި ރައީސް ސޯލިހް
