އެންމެނާ ގުޅޭ އެންމެންގެ ލޯބި ހޯދާފައިވާ ސާއިދު މިހެން ބުނެފައި މިވަނީ، ކިޑްނީ ޓްރާންސްޕްލާންޓް އޮޕަރޭޝަން ކުރުމަށް މިއަދު ސްރީ ލަންކާއަށް ފުރުމުގެ ކުރިން އޭނާގެ ފޭސްބުކުގައި ކޮށްފައިވާ ޕޯސްޓެއްގައެވެ.
2018 ވަނަ އަހަރުގެ ޖޫން މަހު ތެރޭ އޭނާގެ ދެ ކިޑްނީ ފެއިލްވެފައި ވާކަން އެނގުނު ފަހުން ސާއިދު ވަނީ އޭނާއަށް ކިޑްނީއެއް ހަދިޔާ ކުރާނެ މީހެއް ހޯދުމަށް އެތައް ހިސާބެއްގައި އަތްފުނާ އަޅާފައެވެ. އެދުވަހުގެ ފަހުން ސާއިދު ގެންދިޔައީ، ދެދުވަހުން އެއްދުވަހު ދުނިޔޭގައި ހުރުމަށް ޑައިލިސިސްގެ ފަރުވާ ހޯދަމުންނެވެ. އަދި އިންޑިއާއިންވެސް ސާއިދު ވަނީ މިކަމަށް ފަރުވާ ހޯދާފައެވެ.
ސާއިދު ވޭނާއި ކެކުޅުމުގައި ހޭދަ ކުރި ތިން އަހަރަށް ފަހު އުއްމީދުގެ ހުޅުކޮޅު ރޯވެ މިއަދުގެ ވަގުތެއްގައި ލަންކާއަށް ފުރުމުގެ ކުރިން ކުރި ޕޯސްޓުގައި އޭނާ އާއި އޭނާގެ ޑޯނަރަށް ހުރިހާ ފަރާތްތަކުންވެސް ހެޔޮ ދުއާ ކޮށްދިނުމަށް ވަނީ އެދިފައެވެ. އަދި އޭނާގެ ފަރުވާގެ ކަންކަން ކުރިއަށް ގެންދިއުމަށް މާލީ އެހީތެރިކަން ފޯރުކޮށްދެވެން ނެތް ފަރާތްތަކުންވެސް އޭނާއާއި އޭނާގެ ޑޯނަރަށް ހެޔޮ ދުއާ ކޮށްދިނުމަށް އެދިފައި ވާއިރު، އޭނާއަށް މާލީ ގޮތުން އެހީތެރިވެދިނުމަށް ސާއިދު ވަނީ އެދިފައެވެ.
މީގެ އިތުރުން ސާއިދު އޭނާގެ ޕޯސްޓުގައި ހުރިހާ އެކުވެރިންގެ މަތިން ހަނދާންވާނެ ކަމަށްވަނީ ބުނެފައެވެ. އަދި ހުރިހާ އެންމެންދެކެ އިންތިހާއަށް ލޯބިވާ ވާހަކަވެސް ސާއިދު ވަނީ ހިއްސާ ކޮށްފައެވެ.
އަޅުގަނޑާއި މުޅި ސީއެންއެމްގެ ހުރިހާ ފަރާތެއްގެ ދުއާ އަކީ އެކުވެރި ސާއިދު އާއި އޭނާގެ ޑޯނަރަށް ކާމިޔާބު އޮޕަރޭޝަނެއް މާތްﷲ މިންވަރުކޮށް ދިނުމެވެ. އަދި ސާއިދު އަށް އުފާވެރި ދިރިއުޅުމެއް މިންވަރު ކޮށްދިނުމެވެ. އާމީން...
އިތުރު މައުލޫމާތު:
7998981 ސާއިދު އަހުމަދު
ރުފިޔާ އެކައުންޓް: 7701175423101
ޑޮލަރު އެކައުންޓް: 7730000377957
އެކައުންޓުގެ ވެރިފަރާތް:
ސާޢިދު އަހުމަދު
