މާދަމާ ފާހަގަ ކުރާ ބައިނަލްއަގްވާމީ މަސައްކަތްތެރިންގެ ދުވަހާއި ގުޅުވާ ކުރިއަށް ގެންދިއުމަށް ނިންމާފައިވާ މި ހިނގާލުން އިންތިޒާމް ކުރާ މޯލްޑިވްސް ޓްރޭޑް ޔޫނިއަން ކޮންގުރެސް އިން ބުނީ މަސައްކަތްތެރިންނަށް ހުރި ދަތިތަކާއި، ހުރި ގޮންޖެހުންތައް ހައްލުކުރުމަށް އަދިވެސް މަސައްކަތްތައް ކުރަން ޖެހޭ ކަމަށާއި، އެކަމަށް އަޑުއުފުލާ އެ އަޑު ސަރުކާރަށް އިއްވާނެ ކަމަށެވެ.
މިކަމާއި ގުޅިގެން އެމްޓީޔޫސީގެ ރައީސް މައުރޫފް ޒާކިރު ވިދާޅުވީ، މަސައްކަތްތެރިން ދުވަސް ފާހަގަ ކުރުމަށް މާދަމާ ބާއްވާ ރެލީގެ މަގްސަދަކީ އެކި ފަންތި ތަކުގެ މަސައްކަތްތެރިންގެ ހުރި ކަންބޮޑުވުންތައް ސަރުކާރުގެ ކަމާއި ބެހޭ ފަރާތްތަކުގެ ސަމާލުކަމަށް ގެނައުން ކަމަށެވެ.
އަދި މާދަމާ ބާއްވާ މި ހިނގާލުމުގައި ވީހާވެސް ގިނަ މަސައްކަތްތެރިން ބައިވެރިވުމަށް އެދޭ ކަމަށާއި، ދިވެހިންގެ އިތުރުން ބިދޭސީންވެސް މި ހިނގާލުމުގައި ބައިވެރިވުމަށް އެދޭ ކަމަށެވެ.
މާދަމާ ބާއްވާ މި ހިނގާލުން ފެށުމަށް ހަމަޖެހިފައިވަނީ، ހަވީރު 16:00 ގައި ރަސްފަންނުންނެވެ. އަދި މި ހިނގާލުން ނިންމުމަށް ހަމަޖެހިފަވަނީ، އިރުއޮއްސި 18:00 އަށް ކާނިވާ ސަރަހައްދަށެވެ.
