ރިޕޯޓްތައް ބުނާ ގޮތުގައި އިންޑިޔާގެ ކެޕްޓަން ސުނިލް ޗެތްރީ ކިޔަވަން ފެށީ، އޭނާ ކުޅުން ހުއްޓާލުމަށް ފަހު ކުޅިވަރު މެނޭޖްމެންޓްގެ ދާއިރާއިން ކުރިއަށް ދިޔުމަށެވެ. ޗެތްރީވަނީ އެއް އަހަރު ދުވަހުގެ މާސްޓަރސް ޕްރޮގްރާމެއްގައި އެންރޯލްވެފައެވެ.

މި ކޯސް ފުރިހަމަކޮށްފިނަމަ އެއް އަހަރު ފަހުން ޗެތްރީއަށް ޕޯސްޓްގްރެޖުއޭޓް ޑިގްރީއެއް ލިބޭނެއެވެ. އޭނާ އެންރޯލްވެފައިވަނީ އައިއެސްޑީއީ ލޯ ބިޒްނަސް ސްކޫލްގައެވެ. ޗެތްރީ ކިޔަވަމުންދާ ކޯޗުގެ އަގަކީ ފަނަރަ ހާސް ޔޫރޯ ކަމަށް މައުލޫމާތު ލިބިފައިވެއެވެ. އެހެންނަމަވެސް ރިޕޯޓްތައް ބުނާ ގޮތުން އޭނާގެ ކިޔެވުމުގެ ހުރިހާ ހަރަދެއްވަނީ ސްޕޮންސަރޝިޕެއްގެ ތެރެއިން ހަމަ ޖެހިފައެވެ.