ރޭގެ ވަގުތެއްގައި ރައީސް ޔާމީންގެ ގެކޮޅު ހިމެނޭހެން ޕީޕީއެމް އޮފީސް ހިމެނޭ ހ. ހުރަފަގޭގެ ދޮރުމައްޗަށް، ރައީސް ޔާމީން ހައްޔަރުކުރަން ގޮވާލާ ކަރުދާސްތަކަކެއް އަޅާ، ސްޕްރޭ ކޮށްފައިވެއެވެ.
މިކަމާއި ގުޅިގެން ޕީޕީއެމްގެ އެސްޖީ މުހައްމަދު ތޮލާލް މިއަދު "ސީއެންއެމް" އަށް ވިދާޅުވީ، އެމައްސަލަ ވަަރަށް ސީރިއަސް މައްސަލައެއްގެ ގޮތުގައި އެ ޕާޓީން ބަލާނެ ކަމަށާއި، މައްސަލަ ފުލުހަށް ހުށަހަޅަން ނިންމާފައިވާ ކަމަށެވެ.
އަދި އެކަމާއި ގުޅިގެން އަމަލުކުރާނެ ގޮތެެއް ޕާޓީން މަޝްވަރާ ކުރަމުންދާ ކަަމަށްވެސް ވިދާޅުވިއެވެ.
ތޮލާލު އިތުރަށް ވިދާޅުވީ، އެ ސަރަހައްދަކީ ފުލުހުންގެ ސީސީޓީވީ ކެމެރާވެސް ހުންނަ ސަރަހައްދަކަށް ވުމުން ސީސީޓީވީ ފޮޓޭޖުވެސް ލިބިފައިވާނެ ކަމަށް ގަބޫލުކުރެވޭ ކަމަށެވެ.
އެ ސަރަހައްދުގައި ހުންނަ ޗައިނާ އެމްބަސީ ގައި 24 ގަޑިއިރުގެ ސެކިއުރިޓީ ހުންނައިރު، އެފަދަ ކަމެއް ދަންވަރުގެ ވަގުތެއްގައި ހިނގައިދިޔަނަމަވެސް ފުުލުހުންނަށް ފާހަގަކުރެވުނުތޯ މީޑިއާތަކުން ކުރާ ސުވާލަށް ފުލުހުންގެ ޖަވާބެއް މިހާތަނަށް ދީފައެއް ނުވެއެވެ.
