ޓޫރިޒަމް މިނިސްޓްރީން މިއަހަރަށް ކުރިން ކަނޑައެޅީ 2 މިލިއަން ފަތުރުވެރިން ރާއްޖެއަށް ޒިޔާރަތް ކުރާނެ ކަމަށެވެ.
އެހެން ނަމަވެސް ޓޫރިޒަމް މިނިސްޓްރީން އިއްޔެ ބޭއްވި ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން މިނިސްޓަރު މައުސޫމް ވިދާޅުވީ، ރަޝިއާ އާއި ޔޫކްރެއިން އާއި ދެމެދު ކުރަމުން އަންނަ ހަނގުރާމައިގެ ސަބަބުން ރާއްޖޭގެ ޓޫރިޒަމް 11 އިންސައްތަ އަށް ދަށަށް ގޮސްފައި ވާކަމަށެވެ.
އަދި އެކަމުގެ ސަބަބުން ރާއްޖެއަށް މި އަހަރު ޒިޔާރަތް ކުރާނެ ކަމަށް ލަފާ ކުރެވެނީ، 1.6 ފަތުރުވެރިން ކަމަށް މިނިސްޓަރު ވަނީ ބުނެފައެވެ.
މީގެ އިތުރުން މިނިސްޓަރު ވިދާޅުވީ، އެ ގައުމު ތަކުން އަންނަ ފަތުރުވެރިންގެ އަދަދު ދަށްވި ނަމަވެސް އެހެން ގައުމުތަކުގައި ރާއްޖެ ޕްރޮމޯޓް ކުރުމުގެ މަސައްކަތް ކުރަމުން އަންނަ ކަމަށެވެ. އަދި މިހާރު ކަނޑައެޅިފައިވާ އަމާޒަށްވުރެ ގިނައިން ރާއްޖެއަށް ފަތުރުވެރިން ގެނައުމަށް މަސައްކަތްތައް ކުރަމުން އަންނާނެ ކަމަށް މިނިސްޓަރު ވަނީ ވިދާޅުވެފައެވެ.
