ads
މީހަކު ސައިކަލާއެކު ފެރީއަށް އަރަނީ- ފޮޓޯ: އެމްޓީސީސީ
ދަތުރު ފަތުރުގެ ނިޒާމް! ކޮބާ ބޭނުމަކީ؟
ރައްޔިތުންގެ މަޖިލީހުގެ ޖަލްސާގައި ޕްލޭނިން މިނިސްޓްރު މުހައްމަދު އަސްލަމް މުހިއްމު މިސާލެއް ޖެއްސެވިއެވެ. ހއ. ކުމުންދޫ އާއި މާރަންދޫ މީހުން އެ ދެރަށުގައިވެސް ލެބޯޓަރީ ހަދަން ބޭނުންވާ ވާހަކައެވެ. އެހެން ނަމަވެސް ދަތުރު ފަތުރު ކުރުމުގެ ނިޒާމްގެ ސަބަބުން އޭގެ ތެރެއިން ކޮންމެވެސް އެއްރަށެއްގައި ލެބޯޓަރީ ހެދިއަސް މައްސަލައެއް ނެތް ކަމަށް އެ ދެރަށުންވެސް ގަބޫލު ކުރާ ވާހަކައެވެ. އަސްލަމް އެފާހަގަ ކުރެއްވީ ދަތުރު ފަތުރުގެ ނިޒާމުން ރާއްޖެ ގުޅާލުމުގެ މުހިއްމު ކަމުގެ ވާހަކަ އެވެ.

ދަތުރު ފަތުރުގެ ނިޒާމަކުން ރާއްޖެ ގުޅާ ލުމުގެ ވާހަކަ އަކީ މާކުރިންވެސް ދެކެވެމުން އަންނަ ވާހަކައެކެވެ. ރާއްޖޭގެ ރަށްތަކުގެ ތަރައްގީ އޮތީ ދަތުރު ފަތުރުގެ ނިޒާމަކުން ރާއްޖެ ގުޅާލައިގެންކަން އެއީ އެންމެންހެން ގަބޫލު ކުރާ ކަމެކެވެ. އެހެން ނަމަވެސް ކަން ކުރުމުގައި ލަސްވަމުން ދިއުމުގެ ސަބަބުން އެއީވެސް ކުރެވިދާނެ އަދިން ހިންގިދާނެ ކަމެއްކަމާ މެދު އަބަދުވެސް އަންނަނީ ސުވާލު އުފައްދަމުންނެވެ. 

"ރަންގަޅު ކަމެއް. ކުރަން ޖެހޭ އަދި އެކަން ކުރުމުގެ ސަބަބުން ވިޔަފާރިއަށް ގިނަ ފައިދާ ތަކެއް ލިބިގެން ދާނެ. ރަށްރަށުގެ ގުޅުން ތައް ބަދަހިވެ ވިޔަފާރި ފުޅާ ވެގެން ދާނެ" ޅ.އަތޮޅު ކައުންސިލް ރައީސް ޔާސީން އަބްދުﷲ ވިދާޅުވިއެވެ.

your imageސްޕީޑް ފެރީ ގެ ހިދްމަތް ވަނީ އުތުރުގައި ފަށާފައި

މިނިސްޓްރު އަސްލަމް ވިދާޅުވީ ހދ.އަތޮޅުގައި ސްޕީޑް ފެރީގެ ހިދްމަތް ފެށިފަހުން 3،000 ދަތުރުވެރިން ދަތުރު ކޮށްފައިވާ ކަމަށެވެ. އޭގެ ތެރެއިން އެންމެ ގިނަ މީހުން ދަތުރު ކޮށްފައިވަނީ ސިއްހީ ފަރުވާއަށެވެ. ދެން އެންމެ ގިނަ މީހުން ދަތުރު ކޮށްފައިވަނީ ވިޔަފާރި ބޭނުން ތަކުގައެވެ. އަދި ބައެއްމީހުން ދަތުރު ކޮށްފައިވަނީ ޗުއްޓީ ހޭދަ ކޮށްލުމަށެވެ. ކުޅުދުއްފުށީ މީހުން ޗުއްޓީ ހޭދަ ކޮށްލައި މޫދަށް އެރި ލުމަށް ދަތުރު ކޮށްފައިވާ ކަން މިނިސްޓަރު ފާހަގަ ކުރެއްވިއެވެ. 

"މުޅި ދިރިއުޅުމުގެ ނިޒާމްގެ ބައެއްގެ ގޮތުގަ މިކަން ވެގެން މިކަން ވާން ޖެހެނީ. އޭރުން ރަށުގެ ބިން ކުޑަވެގެން މޫދަށް އެރޭނެ ތަނެއް ނެތިގެން އެހެން ކަމެއް ކުރާނެ ތަނެއް ނެތިގެން އުޅެން ނުއެއް ޖެހޭ." މިނސްޓަރު އަސްލަމް ވިދާޅުވިއެވެ.

އަސްލަމް އިތުރަށް ފާހަގަ ކުރެއްވީ ރަށްރަށުގެ މެދުގައި އޮތް ގުޅުން ކުޑަކަމެވެ. އެހެން ކަމުން ކިތަންމެ ކުދި ރަށްރަށް ކަމުގައި ވިޔަސް އެއްރަށް އަނެއްރަށާ ގުޅުމެއް އުފެދެން ޖެހޭ ކަމަށް އަސްލަމް ވިދާޅުވިއެވެ. މިހާރު އެގުޅުން ނެތް ކަމުގައި ވިޔަސް މި ނިޒާމު ކާމިޔާބު ކަމާއެކު މީހުންނަށް ތައާރަފް ކުރެވިއްޖެ ނަމަ އެގުޅުންތައް އޮންނަން ޖެހޭނެ ސަބަބުތައް އުފެދޭނެ ކަމަށް އަސްލަމް ވިދާޅުވިއެވެ. 

your imageމޫސުްނ ގޯސް ދުވަހަކު އެމްޓީސީސީ ފެރީއެއް———ފޮޓޯ:ޕްރެސް

ފެރީގެ ނިޒާމުން ނުވަތަ ދަތުރު ފަތުރުގެ ނިޒާމުން ރާއްޖެ ގުޅުވާލުމަކީ އެތަކެއް ފަސޭހަތަކެއް ވެގެންދާނެ ކަމެކެވެ. އެހެންނަމަވެސް އޭގެ ސަބަބުން އުފެދިދާނެ އިޖްތިމާއީ މައްސަލަތަކެއްވެސް ހުރެދާނެއެވެ. އޭގެ އިތުރުން މޫސުން ގޯސް ދުވަސްތަކުގައި ދަތުރު ފަތުރު ކުރުމަކީ އުނދަގޫ ކަމެއކެވެ. އެހެންކަމުން އެކަމަށް ސަމާލުކަން ދީގެން މިކަމަށް ވިސްނުމަކީވެސް މުހިއްމު ކަމެކެވެ. 

އަތޮޅުގައި 14 ރަށް ހިމެނޭ ށ. އަތޮޅު ކައުންސިލް ރައީސް މުހައްމަދު ޝިޔާމް ވިދާޅުވީ ދަތުރު ފަތުރުގެ ނިޒާމުގެ ސަބަބުން ގިނަ ފައިދާތަކެއް އަތޮޅުގެ ރައްޔިތުންނަށް ލިބެމުން ދާ ކަމަށެވެ. އޭނާ ވިދާޅުވީ އެއަތޮޅުގެ މުދާ ފެރީގެ ދަތުރުތައް ކުރުމުގައި ކުރިން ދިމާވި ދަތިތައް މިހާރު ހައްލު ކޮށްފައިވާނީ ރައްޔިތުންގެ މަޝްވަރާއާއެކު ކަމަށެވެ. 

ކުރިން ހިތްހަމަ ނުޖެހުން ތަކެއް ހުރި ކަމުގައި ވިޔަސް މިހާރު މުދާއުފުލާ ފެރީއާއި އަދި ޕެސެންޖަ ފެރީގެ ހިދްމަތްވެސް މިހާރު ވަރަށް ބޮޑަށް ރަނގަޅު ކުރެވިފައި ވާ ކަމަށް އޭނާ ފާހަގަ ކުރެއްވި އެވެ.

"އަޅުގަނޑުމެން ވާނީ ވަކިވަކި ރަށްރަށުގެ ރައްޔިތުންނާ ވާހަކަ ދައްކާ ހައްލު ކުރަން ޖެހޭ ކަންކަން ބަލާފަ. ކްލަބް ހައުސްގައިވެސް އަދި ރަށްރަށުގައި ވެސް މިކަމާބެހޭ ބައްދަލުވުންތައް ކުރުިން ބާއްވާފައި އޮންނާނީ. ދެން ހުރިހާ ރަށްރަށުން ބޭނުންވާ ހުރިހާ ކަމެއްވެސް ނުވާނެ ދެއްތޯ. އެކަމަކު ވަރަށް ރަނގަޅު ކުރެވިފަ ވާނީ" ޝިޔާމް ވިދާޅުވިއެވެ.

your imageއެމްޓީސީސީ ފެރީއެއް ދަތުރު ކުރަނީ

ޝިޔާމް ވިދާޅުވީ އެއްރަށުން ގެންނަ މުދާ ސީދާ އަނެއް ރަށްރަށަށް ނުފުނުވާތީ ވެރިރަށުން އެއްފެރީ އަނެއް ފެރީއަށް މުދާ ލެވޭ ގޮތްވެސް މިހާރު ވަނީ ހަމަޖެހިފައި ކަމަށެވެ. އެހެންނަމަވެސް އެކަން ކުރަން ޖެހެނީ އެމީހުން އަމިއްލަ އަށް ކަމަށްވެސް ޝިޔާމް ވިދާޅުވިއެވެ.

"މިސާލަކަށް ވަރަށް ދުރުގައި އޮންނަ ދެރަށަކުން ބޭނުންވީ އެމީހުގެ މުދާ ކޮންމެ ދުވަހަކުވެސް ވަކި ރަށަކަށް ގެންދަން. އެގޮތަށް އެކަބް ކުރެވޭ މިހާރު" ޝިޔާމް ވިދާޅުވިއެވެ.

ފެރީގެ ހިދްމަތަކީ ރައީސް މައުމޫގެ ދައުރުން ފެށިގެންވެސް އޮންނަ ހިދްމަތެކެވެ. ހިދްމަތުގެ ފެންވަރު ރަނގަޅުވެ އަންނަ ބަދަލުތައްވެސް ލަހެވެ. އެހެންނަމަވެސް މިހާރު ހދ.އަތޮޅުގައި އެވަނީ އަވަސް ފެރީ ނުވަތަ ސްޕީޑް ފެރީގެ ހިދްމަތް ފަށާފައެވެ. މުހިންމީ ސްޕީޑް ފެރީގެ ހިދްމަތް ދޭނަމޭ ކިޔާލަ ކިޔާލަ ތިބުމެއް ނޫނެވެ. މުހިއްމީ ފެންވަރު ރަނގަޅު ފެރީގެ ހިދްމަތް މުޅި ގައުމަށް އަވަހަށް ލިބުމެވެ. 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް