"ސީއެންއެމް" އަށް މައުލޫމާތުދެއްވަމުން ދަރަނބޫދޫ ކައުންސިލްގެ ރައީސް އަބުދުލް ހަމީދު އާދަމް ވިދާޅުވީ ވަޒީފާގެ ބިރުދައްކަނީ ކަމަށްބުނެ އެރަށުގެ ބައެއް ރައްޔިތުން ކަންބޮޑުވުން ފާޅުކޮށް އަޑު އުފުލާފައިވާ ކަމަށެވެ.
ކައުންސިލްގެ ރައީސް ވިދާޅުވީ މުޒާހަރާ ކުރި ފަރާތްތަކުން އަޑު އުފުލާފައިވަނީ ކައުންސިލް އިދާރާ ކައިރީގައި ކަމަށާއި، ރައްޔިތުންގެ ކަންބޮޑުވުން ކައުންސިލުން އަޑުއަހާފައިވާ ކަމަށެވެ.
ދަރަނބޫދޫގައި ރޭ މުޒާހަރާކުރަން ނުކުމެ ތިބި ބައެއް މީހުން ކައުންސިލާއި ބައްދަލުކުރަނީ: ފޮޓޯ ވަގުތު
ސީއެންއެމްއަށް މައުލޫމާތު ދެމުން ދަނބޫދޫގައި މުޒާހަރާ ކުރި ޓީމުގެ ބައިވެރިޔަކު ބުނީ ފެނަކައިގެ ހިންގުން އެހެން މީހަކާ ހަވާލުކުރުމަކީ އެތަނުގައި ވަޒީފާ އަދާކުރާ މީހުންނަށް ދެވޭނެ ވަރަށް ބޮޑު ނިކަމެތި ކަމެއް ކަމަށެވެ. އެމީހާ ބުނީ މެނޭޖަރަކަށް ހަމަޖެއްސި މީހަކީ މީހުންނަށް ވަޒީފާގެ ބިރު ދައްކައި ވަޒީފާއިން ބައެއް މީހުން ވަޒީފާއިން ވަކި ކުރާނެކަމަށްވެސް ބުނެފައިވާ ކަމަށެވެ.
ދަރަނބޫދޫގައި މުޒާހަރާކޮށް އަޑު އުފުލާފައިވަނީ އެރަށުގައި ދިރިއުޅޭ އެމްޑީޕީއަށް ނިސްބަތްވާ މީހުންނާއި ޕީޕީއެމްގެ ބައެއް މީހުން ހިމެނޭ ގޮތަށެވެ.
ދަރަނބޫދުއަކީ އާބާދީގައި ގާތްގަނޑަކަށް 600 އެއްހާ މީހުން ދިރިއުޅެމުން އަންނަ ރަށެކެވެ.
