ads
ހަމްޒާ ގައުމީ ޓީމުގެ ޖަރޒީގައި
ގޯކުލާމް ކޯޗުގެ ތައުރީފު ހަމްޕުއަށް
ރާއްޖޭގެ ހަމްޒާ މުހައްމަދު - ހަމްޕުއަކީ އާދަޔާ ޚިލާފު މޮޅު ކުޅުންތެރިއެއް ކަމަށް ބުނެ، އިންޑީޔާގެ ޗެމްޕިއަން ގޯކުލާމް ކެރެލާގެ ކޯޗު ވިންޗެންޒޯ އަލްބާޓޯ ހަމްޕުއަށް ތައުރީފުކޮށްފިއެވެ.

ގޯކުލާމްގެ ކޯޗު ވިންޗެންޒޯ ހަމްޕުއަށް ތައުރީފު ކުރީ އޭއެފްސީ ކަޕުގެ އެންމެ ފަހު ޕްރީ ކޮންފަރެންސްގައި މިއަދު ކޮލްކަތާގައި ވާހަކަ ދައްކަމުންނެވެ. ވިންޗެންޒޯ ބުނި ގޮތުގައި މާޒިޔާގެ ހަމްޒާއަކީ އާދަޔާ ޚިލާފު ހުނަރުވެރި މޮޅު ކުޅުންތެރިއެއް ކަމަށެވެ. މާޒިޔާ ޓީމުގައި އެންމެ ބޮޑު ތަފާތެއް ދެއްކި ދިވެހި ކުޅުންތެރިއަކީ ހަމްޒާ ކަމަށްވެސް ކޯޗު ބުންޏެވެ. 

ހަމްޒާއަކީ އާދަޔާ ޚިލާފު މޮޅު ކުޅުންތެރިއެއްކަން އަހަރެންނަށް ފާހަގަ ކުރެވުނު. ހަމްޒާ ހިފެހެއްޓުންވީ އަހަރުމެންގެ ކުޅުންތެރިންނަށް އުނދަގޫ ކަމަކަށް. ކުރިންވެސް އަހަރެން އޭނާއާ ބެހޭ މައުލޫމާތު ހޯދިން އެކަމަކު އޭނާއަކީ އަހަރެން ކުރިން ހީކުރިވަރަށްވުރެވެސް މޮޅު ކުޅުންތެރިއެއް. އަހަރެން ބުނާނީ އޭނާއަކީ ހަމަ ލެޖެންޑެކޭ. އޭނާއަށް ފަސޭހަކަމާއެކު ބޭރުގެ ލީގެއްގައި ކުޅެވޭނެ ކަން އަހަރެންނަަށް ޔަގީން.

ދިވެހި ގައުމީ ޓީމުގައިވެސް ހިމެނޭ ހަމްޒާވަނީ އޭއެފްސީ ކަޕުގައި މާޒިޔާއިން ކުޅުނު ފުރަތަމަ މެޗުގެ މޮޅު ކުޅުންތެރިޔާގެ މަގާމުވެސް ހޯދާފައެވެ. ދެވަނަ މެޗުގައިވެސް ހަމްޒާވަނީ އާދަޔާ ޚިލާފު މޮޅު ކުޅުމެއް ކުޅެފައެވެ. އަދި ބޭރުގެ މީޑިއާތަކުގެ ސަމާލުކަންވެސް ހަމްޒާއަށްވަނީ އަމާޒުވެފައެވެ. 

ހަމްޒާގެ އިތުރުން، ގޯކުލާމާ ދެކޮޅަށް މާޒިޔާ ކުޅުނު މެޗުގައި މާޒިޔާގެ ކެޕްޓަން ބޭންޑް އަޅައިގެން ކުޅުނު ސަމޫހް އަލީ- ސަމުއްޓޭ އަދި ނާއިޒް ހަސަން- ދާދުއަކީވެސް އާދަޔާ ޚިލާފު މޮޅު ކުޅުންތެރިން ކަމަށް ބުނެ ވިންޗެންޒޯ އެ ކުޅުންތެރިންނަށްވެސް ތައުރީފު ކުރިއެވެ. 

100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް