ޑައިވިނަށް ގޮސް އުޅުނު މީހަކަށް އަނިޔާވެގެން އެމްއެންޑީއެފް އިން އެހީތެރިވަނީ
ޑައިވިނަށް ގޮސް އުޅުނު މީހަކަށް އަނިޔާވެގެން އެމްއެންޑީއެފުން އެހީތެރިވެ ދީފި
ރިޟްވާން މޫސާ
23 މޭ 2022 - 15:46:00
ތ.ބުރުނީގެ ދެކުނުން ހަތަރު މޭލު ބޭރުގައި ދޯންޏެއްގައި އެންހިފަން ޑައިވިނަށް ގޮސް އުޅުނު މީހަކަށް އަނިޔާވެގެން އެމްއެންޑީއެފްއިން އެހީތެރިކަން ފޯރުކޮށްދީފި އެވެ.
Advertisement
ޑައިވިނަށް ގޮސް އުޅެނިކޮށް އަނިޔާވެފައިވަނީ 29 އަހަރުގެ މީހަކަށެވެ. ނަމަވެސް އެ މީހާއަށް ލިބިފައިވާ އަނިޔާގެ އެއްވެސް ތަފްސީލެއް އެމްއެންޑީއެފުން ހާމައެއް ނުކުރެ އެވެ.
އެމްއެންޑީއެފް އިން ބުނީ 29 އަހަރުގެ ފަޅުވެރިއަކު ޑައިވިނަށް ގޮސް އުޅުމުގެ ތެރޭގައި އަނިޔާވެ، ޞިއްޙީ ފަރުވާ ދިނުމަށް އެމްއެންޑީއެފް ސެންޓްރަލް އޭރިއާ ކޯސްޓްގާޑު ސްކޮޑްރަންގެ އެހީތެރިކަމާއެކު ތ.އަތޮޅު ހޮސްޕިޓަލަށް ގެންގޮސްދީފައިވާ ކަމަށެވެ.
އެންހިފަން ގޮސް އުޅުނު މި ދޯންޏަކީ މަލާފަތް 4 ނަމަކަށް ކިޔާ ދޯންޏެކެވެ.
ދާދި ފަހުން ވަނީ ފުވަށްމުލަކު ބޭރަށް ޑައިވިނަށްދިޔަ ދެމީހެއްގެ ތެރެއިން އެކަކު މަރުވެފަ އެވެ. މިހާދިސާގައި ދެވަނަ މީހާ އަށް އިތުރު ފަރުވާ ދިނުމަށް މިހާރު ވަނީ އިންޑިޔާ އަށް ފޮނުވާފަ އެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
