މައުލޫމާތު ލިބިފައިވާ ގޮތުގައި މި ދޯނި ބަންޑުން ޖަހާލީ ސަފާރީއެއްގައި ޖެހިގެންނެވެ. ސަފާރީގައި ޖެހުމުން ދޯނި ވަނީ ޓީޖެޓީ ތެރެއަށް ވަދެފަ އެވެ. އަދި ދޯނި ބަންޑުން ޖަހާލީ ޓީ ޖެޓީއަށް ވަން ފަހުންނެވެ. އެހެން ނަމަވެސް މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވެ އެވެ.
މި ހާދިސާއާއި ގުޅިގެން އެމްއެންޑީއެފް އިން ބުނީ މާލޭ ހުޅަނގުފަރާތު ކަނޑުމަތިން ސަފާރީއަކާއި މުދާ އުފުލާ ދޯންޏެއް ޖެހި، އެކްސިޑެންޓެއް ހިނގުމާ ގުޅިގެން އެމްއެންޑީއެފް މާލޭ އޭރިއާ ކޯސްޓްގާޑު ސްކޮޑްރަންއިން ހަރަކާތްތެރިވަމުން އަންނަ ކަމަށާއި، އެކްސިޑެންޓްގައި "ހުވަނދުމާ 2" ދޯނި ފަޅައިގެންގޮސް އަޑިއަށްދާތީ، ކޯސްޓްގާޑުން ވަނީ ޕަންޕު ބޭނުންކޮށްގެން ފެން ހިއްކުމުގެ މަސައްކަތް ކޮށްފައި ކަމަށެވެ.
މި ދޯނި ބަނޑުން ޖަހާލާފައި ވާއިރު، އެ ދޯނީގައި ހުރި ގިނަ އަދަދެއްގެ ލަކުޑިތައް ވަނީ ލޮނުގަނޑުގެ އަޑީގަ އެވެ. އަދި ބައެއް ލަކުޑިތައް އޮޔާދާތަންވެސް ދައުރުވަމުން އަންނަ ވީޑިއޯއިން ފެނިގެންދެ އެވެ.
