ވައިކަރަދޫ ދާއިރާގެ މެންބަރު މިވަގުތު ހުރީ މޯލްޑިވްސް ނޭޝެނަލް ޕާޓީ (އެމްއެންޕީ)ގެ ދަފްތަރުގައި ކަމަށް އިލެކްޝަން ކޮމިޝަނުގެ ރަސްމީ ޑޭޓާބޭސް އިން ދައްކަ އެވެ.
"ސީއެމްއެންމް" އަށް މައުލޫމާތުދެއްވަމުން ޒިޔާދު މިއަދު ވިދާޅުވީ އޭނާ މިވަގުތުވެސް ހުންނެވީ އެމްޑީޕީ އާއެކުގައި ކަމަށާއި، ތާއީދު ކުރައްވަނީވެސް އެމްޑީޕީއަށް ކަމަށެވެ.
ޒިޔާދު ވިދާޅުވީ އެމަނިކުފާނުގެ ނަން އެހެން ޕާޓީއެއްގެ ދަފްތަރުގައި އޮންނަންޖެހޭ އެއްވެސް ސަބަބެއް ނޯންނާނެ ކަމަށާއި، މިވަގުތުވެސް ހުންނެވީ އެމްޑީޕީގެ ބައްދަލުވުމެއްގައި ކަމަށެވެ.
ދާދިފަހަކުން ވަނީ ޕީޕީއެމްއަށް ނިސްބަތްވާ އާއިލާއެއްގެ ބަޔަކުވެސް އޮޅުވާލައިގެން އެމްއެންޕީއަށް ވެއްދި މައްސަލައެއް ފެންމަތިވެފަ އެވެ.
އިލެކްޝަން ކޮމިޝަނުގެ ރައީސް ފުއާދު ތައުފީގު ކުރިން ސީއެމްއެމްއަށް ވިދާޅުވީ އިލެކްޝަންގެ ރަޖިސްޓްރޭޝަންގައި އެެއްވެސް މައްސަލައެއް އުޅޭކަން އެނގިފައިނުވާ ކަމަށެވެ. އަދި ވިދާޅުވީ އިލެކްޝަން ކޮމިޝަނަށް ޕާޓީތަކުން ހުށައަޅާ ފޯމް ބެލުމަށްފަހުގައި ނޫނީ ދަފްތަރުގައި އެކަލަވާނުލައްވާ ކަމަށެވެ.
