މިއަދު ސީއެންއެމްއަށް ދިން އެކްސްކުލޫސިވް އިންޓަވިއުއެއްގައި ލަމް ބުނީ އޭނާށް ފިލްމު ކުޅެން ޗާންސް ލިބުނަސް އެ ޗާންސް ތައް ދޫކޮށްލަނީ އެއީ ކުރަން ބޭނުން ކަމަކަށް ނުވާތީކަމަށެވެ.
"އަސްލު ފިލްމު ކުޅޭކަށް އިންޓަރެސްޓެއް ނުހުރޭ. އެހެންވީމަ ފިލްމަކުން ނުފެންނާނެހެން ހީވަނީ،" - ލަމް-
ކުރިން ޕްރެޒެންޓު ކުރުމާއި ބައެއް ބްރޭންޑް ތައް ވެސް އިޝްތިހާރު ކުރި ލަމް ބުނީ އޭނާ ފިލްމު ކުޅެން ބޭނުން ނުވުމުގެ އިތުރުން ސޯސަލް މީޑިއާ އާއި ވެސް މިދުވަސް ވަރު ތަންކޮޅެއް ދުރުގައި އުޅޭކަމަށެވެ.
އިންސްޓަގްރާމްގައި 33 ހާސް ފޮލޯވަރުން ހުރި ލަމް ބުނީ، އެނާ ބިޒީކޮށް އުޅެނީ "ބިޒްނަސް" ކަންކަމުގައިކަމަށެވެ.
ބިޒްނަސް ކަންކަމުގައި ލަމް ބިޒީވި ނަމަވެސް، ސޯސަލް މީޑިއާގައި އިންފްލުއެންޒާ އަކަށް ވާން ބޭނުންވާ ކުދުންނަށް ލަމް މިއަދު ވަނީ ނަސޭހަތް ކޮޅެއް ދީފައެވެ.
ލަމް ބޫނީ އެނާ ވެސް އެންމެ ފުރަތަމަ ސޯސަލް މީޑިއާގައި ބްރޭންޑް ކުރުން ފަދަ ކަންކަމުގައި މަސައްކަތް ކުރި ދުވަސްވަރު ވަރަށް ބޮޑެތި ގޮންޖެހުންތަކަކާ ކުރިމަތިވިކަމަށެވެ.
ނަމަވެސް ލަމްގެ ނަސޭހަތަކީ މީހުން ކިޔާ އެއްޗަކަށްވުރެ ބޮޑަށް ތިމާ ކުރާހިތްވާ ކަމަކާއިގެން ކުރިއަށް ދިޔައިއްޔާ ރަނގަޅުވާނެކަމަށެވެ.
ލަމްބުނީ މި ދުވަސްކޮޅު ސޯޝަލް މީޑިއާއާއި ދުރުގައި ހުރި ނަމަވެސް، އޭނާ ހުރީ ފޭނުންނާ އެކުކަމަށެވެ.
