ކަލައިދޫ ކައުންސިލްގެ ނައިބުރައީސް އިބްރާހިމް މާޖިދު މިއަދު ސީއެންއެމްއާއި ވާހަކަ ދައްކަވަމުން ވިދާޅުވީ، އިސްދޫ އަންހެންވެރިން ކަލައިދޫގެ އިހުތިސާސް ހިނގާ ސަރަހައްދަށް އަރައި ކުނިކަން ފެށުމުން ކަލައިދޫ ބައެއް މީހުން މައްސަލަ ޖައްސާފައިވާކަމަށެވެ.
އެ މައްސަލަ ކަލައިދޫ ކައުންސިލަށް ހައްލުނުވުމުން ފުލުހުން ވެސް ގެންނަންޖެހުނު ކަމަށް އޭނާ ވިދާޅުވިއެވެ. އެ ހާދިސާ ހިނގާފައިވަނީ ހުކުރު ދުވަހުއެވެ.
އޭނާ ވިދާޅުވީ ދެ ރަށުގެ އިހްތިސާސް ވަކިކޮށް ގެޒެޓް ކޮށްފައިވަނީ 2020 ވަނަ އަހަރު ތެރޭގައި ކަމަށެވެ.
"އެއްވެސް ގައުމެއްވެސް އޮވޭތޯ ހަމަހަމައަށް ބަހާފަ؟ ދެ ރަށް ބެހުމުގައި ވެސް އަކަފޫޓުގެ ތަފާތު ހުރެދާނެ. އެހެން ނަމަވެސް އެއީ މާކުރިން ގެެޒެޓްކޮށްފައި އޮތް ނިންމުމެއް،" ކަލައިދޫ ކައުންސިލްގެ ނައިބުރައީސް ވިދާޅުވިއެވެ.
އިސްދޫގައި މުޒާހަރާ ކުރަމުން ގެންދާ މީހުން ގެންދަނީ ކަލައިދޫ އާއި އިސްދޫ ހަމަހަމައަށް ބެހުމަށެވެ. އަދި ބައެއް މީހުން ގޯވާލަމުން ގެންދަނީ ދެރަށް އެއްކޮށް އެއް ކައުންސިލަކަށް ހެދުމަށެވެ.
އިސްދޫ އަދި ކަލައިދޫ ވަކިކޮށްފައިވާ ގޮސް ދައްކުވައިދޭ ޗާޓެއް:
