ރާއްޖޭގައި މިވަގުތު އޮތް އެންމެ ބޮޑު ސިޔާސީ ޕާޓީ އެމްޑީޕީގެ ކޮންގްރެސް ބޭއްވުމަށް ހަމަޖެހިފައިވަނީ އަންނަ އޮގަސްޓު މަހުގެތެރޭގަ އެވެ.
ޕާޓީގެ އަސާސީ ގަވައިދަށް އިސްލާހު ހުށަހެޅޭނީ އޮންލައިންކޮށް ގޫގުލް ފޯމެއް މެދުވެރިކޮށެވެ.
އެޕާޓިން ކޮށްފައިވާ އިއުލާނުގައި ބުނެފައިވަނީ ޕާޓީގެ އަސާސީ ޤަވައިދަށް އިސްލާޙު ހުށަހެޅުއްވުމުގެ ފުރުސަތު މިއަދުން (7 ޖޫން 2022) ފެށިގެން 30 ޖޫން (ބުރާސްފަތި) ދުވަހުގެ މެންދުރު 2:00 އާއި ހަމައަށް ވަނީ ހުޅުވާލައިފައިވާ ކަމަށެވެ.
އެއްމާއްދާއަށްވުރެ ގިނަ މާއްދާއަށް ނުވަތަ އެއް އިސްލާހަށްވުރެ ގިނަ އިސްލާޙު ހުށަހަޅުއްވާ ކަމުގައި ވާނަމަ އެއް ފޯމެއްގައި އިސްލާހު ހުށަހެޅުވުމަށް އެމްޑީޕީން ވަނީ އެދިފަ އެވެ.
ޕާޓީގެ ކޮންގްރެސް ބާއްވަނީ އޯގަސްޓު މަހުގެ 18 ން ފެށިގެން 19އިގެ ނިޔަލަށެވެ. ޕާޓީގެ މި ކޮންގްރެސްގައި ބައިވެރިވެވޭނީ 2022 ޖޫން 30 ވަނަ ދުވަހުގެ ނިޔަލަށް އެމްޑީޕީ މެމްބަރެއްގެ ގޮތުގައި އިލެކްޝަންސް ކޮމިޝަންގެ ދަފްތަރުގައި ރަޖިސްޓްރީކޮށްފައިވާ ފަރާތްތަކަށް އެކަންޏެވެ.
