މައުލޫމާތު ލިބިފައިވާ ގޮތުގައި ހާޝިމް އަށް އަނިޔާވީ، ރޭ ބޮޑުތަކުރުފާނު މަގުގައި ހުންނަ ޕޮލިސް ޓޯޔާޑް ކުރިމަތީ ހިނގި ނުރައްކާތެރި އެކްސިޑެންޓެއްގަ އެވެ. އޭނާ އަށް އަނިޔާވީ، މަގު ހުރަސްކުރުމަށް މަސައްކަތް ކުރަނިކޮށް ދުއްވާފައި އައި ސައިކަލަކުން ޖެހިގެން ކަމަށް މަންޒަރުދުށް ފަރާތްތަކުން ވަނީ ބުނެފަ އެވެ.
އަހުމަދު ހާޝިމް އަށް ފަރުވާ ދިނުމަށް ގެނެވިފައި
ހާޝިމް އަށް އެންމެ ފުރަތަމަ ފަރުވާ ދިނުމަށް ގެންދިޔައީ، ޓްރީ ޓޮޕް ހޮސްޕިޓަލަށެވެ. އެހެން ނަމަވެސް އޮޕަރޭޝަނެއް ކުރަން ޖެހުމުން ރޭގެ ވަގުތެއްގައި ހާޝިމް ވަނީ އޭޑީކޭ ހޮސްޕިޓަލަށް ބަދަލުކޮށްފަ އެވެ. އަދި މިހާރު ފަރުވާ ދެމުން ގެންދަނީ އޭޑީކޭ ހޮސްޕިޓަލުގެ އައިސީޔޫގައި ކަމަށް ވަނީ މައުލޫމާތު ލިބިފަ އެވެ.
އޭޑީކޭ ހޮސްޕިޓަލުގެ އޮފިޝަލަކު ވިދާޅުވީ، ހާޝިމްގެ ހާލު ސީރިއަސް ކަމަށާއި، އަނިޔާތައް ލިބިފައިވަނީ ބޮލަށް ކަމަށެވެ.
މި ހާދިސާއާއި ގުޅިގެން ފުލުހުން "ސީއެންއެމް" އަށް ބުނީ، ހިނގާފައި ދިޔަ މީހެއްގެ ގައިގާ ސައިކަލަކުން ޖެހިގެން އެކްސިޑެންޓެއް ހިނގިކަމުގެ މައުލޫމާތު ފުލުހުންނަށް ލިބުނީ ރޭގެ 20:23 ހާއިރު ކަމަށާއި، އޭނާއަށް އޭޑީކޭގައި ފަރުވާދެމުންދާ ކަމަށެވެ.
އުމުރުން 47 އަހަރުގެ ހާޝިމުގެ ގައިގާ ޖެހުނު ސައިކަލު ދުއްވަން އިނީ ސައިކަލު ދުއްވުމުގެ ލައިސެންސްވެސް އޮތް މީހެއްކަމަށް ފުލުހުން ބުންޏެވެ. އެމައްސަލަ ފުލުހުން ދަނީ ތަހުގީގު ކުރަމުންނެވެ.
