މިވަގުތު ވެސް ކޯޓުގައި ޔާމީންގެ މައްސަލަތަކެއް ހިނގަމުންދާއިރު، ކްރިމިނަލް ކޯޓުގައި ރައީސް ޔާމީންގެ މައްސަލަތަކުގެ ޝަރީއަތް ބަލަހައްޓަވަމުންދަނީ އިސް ގާޒީ ޝަކީލެވެ.
މި ދަނޑިވަޅުގައި އޭޖީ ރިއްފަތު އަދި ޖޭއެސްސީގެ ރައީސް ހިސާން ސިއްރުން ގާޒީ ޝަކީލާއި ބައްދަލުކޮށްފައިވާކަމަށް ދެކެވޭ ވާހަކަަތަށް ކުށްވެރިކޮށް ޖޭއެސްސީން ކޮށްފައިވާ ޓްވީޓެއްގައި ބުނެފައިވަނީ، އެއީ އެ ކޮމިޝަނުގެ އަގުވައްޓާލުމަށް ފަތުރާ ދޮގު ވާހަކަތަކެއް ކަމަށާއި، އެމަައްސަލަ ބަލަން ހުށަހަޅާނެ ކަމަށެވެ.
މިވަގުތު ކޯޓުގައި ހިނގަމުންދަނީ އެމްއެމްޕީއާރްސީގެ ހިޔާނާތުގެ ތެރެއިން ރ. ފުއްގިރި އާއި ވ. އާރަށް ދޫކުރި އިރު، އެއިން ކޮންމެ ރަށެއް ދޫކުރުމުގެ ބަދަލުގައި ޔާމީން ރިޝްވަތުގެ ގޮތުގައި އެއް މިލިއަން ޑޮލަރު ނެންގެވި ކަމަށް ބުނެ ދައުލަތުން ކުރާ ދައުވާތަކުގެ ޝަރީއަތެވެ.
ރިޝްވަތު ގަބޫލު ކުރުމުގެ ދައުވާ އާއި މަނީ ލޯންޑަރިންގެ ދައުވާ ކޮށްފައިވާ މިމައްސަލާގެ ހުކުމް ކުރުން މި އަހަރުގެ ނޮވެމްބަރު 25 ވަނަ ދުވަހު ތާވަލުކުރުމަށްފަހު، ފަހުން ވަނީ މިމަހު 30 އަށް ހުކުމް ކުރުން އަވަސްކޮށްފަ އެވެ.
ނަމަވެސް އިސް ގާޒީ ޝަކީލު ފަހުން ވަނީ، މައްސަލައިގެ އެކި މަރުހަލާތަކަށް ވަގުތު ބޭނުންވާތީ ސީދާ ތާވަލާ އެއްގޮތަށް މައްސަލަ ކުރިއަށްނުގެންދެވިދާނެ ކަމަށް ވިދާޅުވެފަ އެވެ.
