ޖޭއެސްސީގެ ރައީސް އަކީ ރައީސް ހިސާން ހުސައިން އެވެ. އަދި ޖިނާއީ ކޯޓުގެ ރައީސް ނަޝިދު އެ އިޝާރާތްކުރައްވާ ގާޒީ އަހްމަދު ޝަކީލް އެވެ.
ގާޒީ ޝަކީލަކީ ކުރީގެ ރައީސް ޢަބްދުالله ޔާމީން ޢަބްދުލްޤައްޔޫމްގެ މައްސަލަ ބައްލަވާ ފަނޑިޔާރެވެ.
ރައްޔިތުންގެ މަޖިލީުގެ މިއަދުގެ ޖަލްސާ ފަށްޓަވައިދެއްވުމުގެ ކުރިން މަޖިލީހުގެ ރިޔާސަތުން އަންގަވާ އެންގުން އިއްވަވަމުން ރައީސް ނަޝީދު ވިދާޅުވީ ޖޭއެސްސީގެ ރައީސް އާއި މެދު ހަގީގަތެއް ނެތްވާހަކަ ފަތުރަމުން ދިއުމަކީ އެއްވެސް ފަރާތަކަށް ފައިދާހުރި މަސްލަހަތެއް ނޫން ކަމަށެވެ.
ގާޒީ އަހްްމަދު ޝަކީލްއާ ޖޭއެސްސީގެ ރައީސް ހިސާން ދަންވަރުގައި ބައްދަލުކުރެއްވި ކަމަށް ބުނާ ވާހަކަ ބައެއް މީޑިޔާތަކުން ރިޕޯޓުކުރުމުން އެ ކޮމިޝަނުން ވެސް ވަނީ އެކަން ދޮގުކޮށްފަ އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި އޮތީ ޖޭއެސްސީގެ ގާނޫނަށް އިސްލާހުގެނައުމަށް މަޖިލީހުގެ ތަޅުމުގައި ބަހުސް ކުރުމެވެ.
މިއަދު ރައްޔިތުންގެ މަޖިލީހުގެ މެންބަރުން ވަނީ މަޖިލީހުގައި ޖޭއެސްސީގެ އިތުބާރެއްނެތް ކަމަށް ބުނެ މަޖިލީހުގައި ވާހަކަ ދައްކަވާފަ އެވެ.
