"ސީއެންއެމް" އަށް ދެއްވި އިންޓަވިއުއެއްގައި ރަފީގު މިއަދު ވިދާޅުވީ ފުވައްމުލަކުގެ ތަރައްގީއަށް މި ސަރުކާރުން ހާއްސަ ސަމާލުކަމެއް ދެއްވަމުން ގެންދަވާ ކަމަށާއި، އެކަން އެ ސިޓީއަށް ނިސްބަތްވާ ރައްޔިތުން ވެސް މިއަދު ގަބޫލުކުރައްވާ ކަމަށެވެ.
އިސްމާއީލް ވިދާޅުވީ މި ސަރުކާރުން ފުވަށްމުލަކު ސިޓީއަށް ވެފައިވާ ވައުދުތައް ފުއްދަވައިދެއްވާފައި ކަމަށެވެ.
ކުރިއަށް އޮތް ރިޔާސީ އިންތިހާބުގައި އެމަނިކުފާނު ހުންނަވާނީ ރައީސް ސޯލިހުގެ ފަހަތުގައި ކަމަށާއި، އެކަން އެގޮތައް ނިންމާފައިވަނީ ގައުމަށާއި، ރައްޔިތުންނަށްވެސް މަސައްކަތްތަކެއް ކޮށްދެއްވަމުން އަންނަ ނަމޫނާ ވެރިއެއްގެ މިސާލު ރައީސް ސޯލިހު ދައްކަވާފައިވުމުން ކަމުގައި އިސްމާއީލް ވިދާޅުވި އެވެ.
ފުވައްމުލަކު ސިޓީ އަކީ ގާތްގަނޑަކަށް 14000 އަށްވުރެ ގިނަ މީހުންގެ އާބާދީއެއް އޮންނަ ސިޓީއެކެވެ.
ރައީސް ސޯލިހާއެކު ކުރިއަށް އޮތް ރިޔާސީ އިންތިހާބުގައި ހުންނަވާނެ ކަމަށް އެމްޑީޕީގެ ގިނަ ބޭފުޅުން ދަނީ އިއުލާނުކުރައްވަމުންނެވެ. އެގޮތުން ހައުސިން މިނިސްޓަރު މުހައްމަދު އަސްލަމާއި، އިކޮނޮމިކް މިނިސްޓަރު ފައްޔާޒް އިސްމާއީލާއި، އެޑިިއުކޭޝަން މިނިސްޓަރު ޑރ އައިޝަތު އަލީ އާއި، ޑިފެންސް މިނިސްޓަރު މާރިޔާ އަހުމަދު ދީދީ ފާހަގަކޮށްލެވެ އެވެ.
