އެގެއިން މަގުމައްޗަށް ވާގޮތަށް އޮތް މުރަނގަ ގަހަކުން ފަތް ބިން ނަނިކޮށް ފެންނަ ސީސީޓީވީ ފޮޓޯއާއިއެކު ފުލުހުން އޭނާ ހޯދަން އިއުލާންކޮށްފަ ވަނީ މިއަދު އެވެ.
ފުލުހުން ބުނީ، އެ ވީޑިއޯއިން ފެންނަ މީހާއަކީ މިއަހަރުގެ ފެބްރުއަރީ އަށް ވަނަ ދުވަހުގެ ވަގުތެއްގައި ފުލުހުންނަށް ހުށަހެޅިފައިވާ ވައްކަމުގެ މައްސަލައަކާ ގުޅިގެން ހޯދަމުންދާ މީހެއް ކަމަށެވެ. އަދި އެ މައްސަލާގައި ގަލޮޅު ޕޮލިސްގެ އިންވެސްޓިގޭޝަނުން ކުރަމުންދާ ތަހުގީގަށް ހޯދަން ބޭނުންވެ، ފުލުހުން މިހާތަނަށް ކުރި މަސައްކަތުން ކާކުކަން ދެނެގަނެވިފައިނުވާތީ އޭނާ ނުހޯދިވާ ކަމަށް ފުލުުހުން ބުނެފަ ވެއެވެ.
އެހެންކަމުން ވީޑިއޯއިން ފެންނަ މީހާއާ ބެހޭ އެއްވެސް މައުލޫމާތެއް ލިބިފައިވާނަމަ ގަލޮޅު ޕޮލިސްގެ ނަންބަރު 9631696 އަށް ގުޅުއްވައި ހިއްސާކުރެއްވުން އެދި ފުލުހުން މިއަދު ވަނީ އިއުލާން ކޮށްފަ އެވެ.
އިއްޔެ ފުލުހުންވަނީ ގެއެއްގެ ދޮރުފަތް ވަގަށް ނެނގި މީހެއްވެސް ހޯދަން އިއުލާންކޮށްފަ އެވެ.
ވީޑިއޯއާއެކު ފުލުހުން ކޮށްފަވާ އިއުލާންގަ ބުނެފައިވަނީ، މިއަހަރުގެ ޖަނަވަރީ މަހުގެ 14 ވަނަ ދުވަހުގެ ވަގުތެއްގައި ރަތްވިލާމަގުގައި ހުރި ގެއެއްގެ ދޮރުފަތް ނައްޓާލާފައި ބަހައްޓާފައި ހުއްޓާ ވަގަށް ގެންގޮސްފައިވާކަމަށް ތުހުމަތުކުރެވޭ މައްސަލައަކާ ގުޅިގެންވެސް ކާކުކަން ދެނެގަނެވިފަ ނުވާ މީހެއް ހޯދަން އިއުލާން ކޮށްފަ އެވެ.
