މައުލޫމާތު ލިބިފައިވާ ގޮތުގައި ވަޅިން ހަމަލާދީ މާރާމާރީ ހިންގާފައިވަނީ، މާފަންނުގައި ހުންނަ ކުރީގެ ސްޓާ ސިނަމާ ކުރިމަތިންނެވެ.
މަންޒަރު ދުށް ފަރާތްތަކުން "ސީއެންއެމް" އަށް މައުލޫމާތު ދެމުން ބުނީ، ސްޓާ ސިނަމާ ހިންގި އިމާރާތުގެ ކުރިމަތީ ހުރި މާރުކޭޓު ކުރިމަތިން ޒުވާނާއަށް ހަމަލާ ދިނީ ހިނގި ދެބަސްވުމެއްގެ ތެރެއިން ކަމަށެވެ.
ޒުވާނާއަށް ވަޅިން ހަމަލާ ދިނުމުގެ ކުރިން، އެކިވަރުގެ އަނިޔާތައް ޒުވާނާއަށް ދިން ކަމަށާއި، ވަޅިން އޭނާއަށް ހަމަލާ ދިނުމަށް ފަހު އެ ސަރަހައްދުން ހަމަލާ ދިން މީހުން ފިލާފައިވާ ކަމަށެވެ.
އެ ޒުވާނާ އަށް ފަރުވާ ދިނުމަށް، ހޮސްޕިޓަލަށް ގެންދިޔައީ އެ ސަރަހައްދުގައި ތިބި މީހުން ކަމަށްވެސް "ސީއެންއެމް" އަށް މައުލޫމާތު ދިން ފަރާތުން ވަނީ ބުނެފަ އެވެ.
މި މާރާމާރީ އާއި ގުޅިގެން އަދި މިހާތަނަށް ފުލުހުންގެ ބަހެއް ވަނީ ލިބޭގޮތް ނުވެފަ އެވެ.
