ޑީއާރްޕީގެ ކުރީގެ ލީޑަރުކަންވެސް ކުރައްވާފައިވާ ތަސްމީން އެ މަގާމަށް އައްޔަންކުރަން މަޖިލީހުން ރުހުންދީފަވަނީ، ވޯޓުގައި ބައިވެރިވި 58 މެމްބަރުން ވޯޓުން ނެވެ. ރުހުންދޭން ފާސްކުރަން ބޭނުންވަނީ 30 ވޯޓެވެ.
މިހާރު ސިންގަޕޫރު ސަފީރަކަށް ހުންނަވަނީ ފޮރިން މިނިސްޓްރީގެ ކުރީގެ ޗީފް އޮފް ޕްރޮޓޮކޯލް އިބްރާހިމް ޝަހީބް އެވެ. އެމަގާމަށް ތަސްލީމް އައްޔަން ކުރުމަށްފަހު، ޝަހީބު ހަމަޖައްސަން ނިންމާފައި ވަނީ ރާއްޖޭން އިންޑިއާއަށް ކަނޑައަޅާފައި ހުންނަވާ ސަފީރު ކަމަށެވެ.
ކެންދޫ ދާއިރާގެ މަޖިލިސް މެންބަރުކަން ވެސް މީގެ ކުރިން ކުރެއްވި ތަސްމީން ޑީއާރުޕީގެ ލީޑަރުކަމުން އިސްތިއުފާ ދެއްވުމަށް ފަހު، މަސައްކަތް ކުރައްވާފައިވަނީ އެމްޑީޕީއާއިއެކު އެވެ. އެއީ 2013ގެ ރިޔާސީ އިންތިހާބުގަ އެވެ. ސަފީރު ކަމަށް އައްޔަން ކުރަން މިއަދު ތަސްމީން އަށް މަޖިލީހުން ރުހުންދިންއިރު މިހާރު ތަސްމީން އަކީ އެމްޑީޕީގެ މެމްބަރެކެވެ.
