މި ހާދިސާ ހިނގާފައިވަނީ، މިދިޔަ ހޮނިހިރު ދުވަހުގެ ވަގުތެއްގައި، ދެކުނު ޗައިނާގެ ކަނޑުގައި އުފެދުނު ތޫފާން ޗަބާގައި ޖެހިގެން ކަމަށް ރިޕޯޓް ތަކުން ވަނީ ބުނެފަ އެވެ.
އެ ބޯޓު ދެ ފަޅިވެ ކަނޑަށް ފެތުމުގެ ކުރިން ހެލިކޮޕްޓަރަކުން ތިން މީހަކު ސަލާމަތް ކުރާ މަންޒަރު ފެންނަ ވީޑިއޯތަކެއް މީހާރު ދަނީ ދައުރުވަމުންނެވެ. ވީޑިއޯ ތަކުން ފެންނަ ގޮތުން ބޯޓުގެ މެދަކާއި ހިސާބުން ވަނީ ދެބުރި ވެފަ އެވެ. އަދި އޭގެން ދަތުރުކުރި ބައެއް ފަޅުވެރިން ގަދަ ކަނޑުގެ ތެރެއަށް ފުންމާލާ މަންޒަރުވެސް ވީޑިއޯ ތަކުން ވަނީ ފެނިގެން ގޮސްފަ އެވެ.
މި ވީޑިއޯ ތަކަކީ ހޮންގްކޮންގް ސަރުކާރުގެ ފްލައިން ސާވިސްއިން އާންމުކުރި ވީޑިއޯ މަންޒަރުތަކެކެވެ.
މިކަމާއި ގުޅިގެން ހޮންގްކޮންގް ސަރުކާރުގެ ފްލައިން ސާވިސްއިން އިން ބުނީ، މި ބޯޓު ދެފަޅިވާން ފެށުމުން، އެކަމުގެ ރިޕޯޓް އެ ފަރާތައް ބޯޓުގެ ކައްޕި ހުށަހެޅި ކަމަށާއި، އެ ރިޕޯޓް ލިބުމާއި އެކި މީހުން ސަލާމަތް ކުރުމުގެ މަސައްކަތް ފެށި ކަމަށެވެ. އެހެން ނަމަވެސް އެ ހާދިސާ ހިނގީ، ހޮންކޮންގެ ދެކުނުން 300 ކިލޯ މީޓާރު ދުރުން ކަމަށާއި، ތޫފަނުގެ ސަބަބުން މީހުން ސަލާމަތް ކުރުމަށް ހުރަސްތަކެއް ކުރިމަތިވީ ކަމަށެވެ.
މި ބޯޓުން ގެއްލުނު މީހުން ހޯދުމުގެ މަސައްކަތް ކުރަމުން ދިޔަ ނަމަވެސް މޫސުން ގޯސްވުމުގެ ސަބަބުން މީހުން ހޯދުމަށް ބޮޑެތި ހުރަސްތަކެއް ކުރިމަތިވެފައި ވާކަމަށްވެސް އެ ފަރާތުން ވަނީ ބުނެފަ އެވެ.
