ރިޕޯޓްތައް ބުނާ ގޮތުން އުމުރުން އަށާވީސް އަހަރުގެ ޑިބާލާ ރޯމާއާއެކު ތިން އަހަރު ދުވަހުގެ ކޮންޓްރެކްޓެއް ހަދާނެއެވެ. ރިޕޯޓްތައް ބުނާ ގޮތުން ޑިބާލާ މިހާރު އަންނަނީ ޕޯޗުގަލްގެ ހޮސްޕިޓަލެއްގައި ރޯމާގެ މެޑިކަލް ނިންމުމުގެ މަސައްކަތް ކުރަމުންނެވެ.
އަންގާރަ ދުވަހުގެ ރޭގެ ވަގުތެއްގައި މެޑިކަލް ހެދުމަށް ޕްރައިވެޓް ޖެޓެއްގައި ޕޯޗުގަލްއަށް ޑިބާލާވަނީ ދަތުރުކޮށްފައެވެ. މެޑިކަލް ނިމުމާއެކު ތިން އަހަރުގެ ކޮންޓްރެކްޓެއްގައި ޑިބާލާ ސޮއި ކުރާނެއެވެ. ރިޕޯޓްތައް ބުނާ ގޮތުން ރޯމާއިން އޭނާއަށް ދިހަ ނަންބަރު ޖޯޒީ ދިނުމަށްވަނީ ނިންމާފައެވެ. ދިހަ ނަންބަރަކީ، ރޯމާގެ މަޝްހޫރު ތަރި ފްރެންސެސްކޯ ޓޮޓީ ބޭނުންކުރި ނަންބަރެވެ.
މިދިޔަ ހަތް ސީޒަންގައި ރޯމާއާ ވާދަވެރި ޔުވެންޓަސްއަށް ކުޅުނު ޑިބާލާވަނީ ތިން ސަތޭކައާ ގާތް ކުރާ އަދަދަކަށް މެޗު ކުޅެ، ސަތޭކައަށްވުރެ ގިނަ ލަނޑު ޖަހާފައެވެ. ހަތް ސީޒަންގައި ޔުވެންޓަސްއާ އެކު ބާރަ ޓްރޮފީ ޑިބާލާ ހޯދާފައިވެއެވެ.
