"ސީއެންއެމް" އަށް މައުލޫމާތުދެއްވަމުން ހެލްތް ޕޮރޮޓެކްޝަންގެ ދަށުން ހިންގާ އެޗްޕީއޭގެ އޮފިޝަލަކު ވިދާޅުވީ ދުންފަތް ކޮންޓްރޯލް ކުރުމުގެ ގަވައިދަށް އާންމުން އަހުލުވެރި ކުރަން މަސައްކަތްތަކެއް ކުރަމުން އަންނަ ކަމަށެވެ.
އޮފިޝަލް ވިދާޅުވީ އެ މުއައްސަސާގެ ފަރާތުން މިވަގުތު ކެފޭ ރެސްޓޯރެންޓު އަދި ފިހާރަތަކުގައިވެސް މިފަދަ ވިޔަފާރިތައް ކުރާނަމަ އިންޒާރުގެ ބޯޑު ފެންނާނެހެން ހަރުކޮށްފައި ހުރިތޯ ބަލަމުން އަންނަ ކަމަށެވެ. އަދި ވިދާޅުވީ ބޯޑު ނެތްނަމަ ބޯޑު ބެހެއްޓުމަށް އެތަންތަން ހިންގާ ފަރާތްތަކަށް ހަނދާންކޮށްދޭ ކަމަށޭވެ.
ދުންފަތް ކޮންޓްރޯލް ކުމުގެ ގާނުގެ ދަށުން ކެފޭ ރެސްޓޯރެންޓު ފަދަ ތަންތަނުގައި ދުންފަތުގެ އިސްތިއުމާލު ކުރުމުގެ ފުރުސަތު އޮންނަނީ އެކަމަށް ހާއްސަ ހުއްދައެއް ނަގައިގެން ވަކިން ހިމެނޭ ސަރަހައްދެއްގަ އެވެ.
ދުންފަތުގެ އިސްތިއުމާލް ކުރުމުން ލިބޭ ގެއްލުން ދައްކުވައިދޭ އިންޒާރުގެ މަންޒަރުތަކެއް--
ދުންފަތް ކޮންޓްރޯލް ކުރުމުގެ ގޮތުތުން 2013 ވަނަ އަހަރުހެ ޖެނުއަރީ މަހުގެ އެއްވަނަ ދުވަހުން ފެށިގެން އަމަލުކުރަމުން އައި މި ގާނޫނުގައި ބުނެފައިވަނީ ރާއްޖެއިން ދުންފަތް ކޮންޓްރޯލް ކުރުމަށްޓަކައި ދުންފަތާއި ބެހޭ ތަކެތީގެ ތެރެއިން ވަކި ސިނގިރޭޓް ވިއްކުމަކީ މަނާ ކަމެއް ކަމަށެވެ.
ސިނގިރޭޓް ފިލްޓަރުތަކެއް..
އަދި މި ނޫން ގޮތަކަށް އަމަލުކުރާނަމަ އެ ވިޔަފާރި ކުރާ ފަރާތެއް ފުރަތަމަ ފަހަރަށް 500 ރުފިޔާއިން ޖޫރިމަނާ ކުރެވިދާނެ ކަމަށެވެ.
ދުންފަތުގެ އިސްތިއުމާލު ކުރުމަކީ ސިއްހަތައްވެސް އެކަމުން ވަރަށް ބޮޑެތި ނޭދެވޭ އަސަރުތަކެއް ކުރުވާ ކަމަކަށް ވާއިރު މި ކަމުގެ ސަބަބުން ފައިދާއެއް ނުވެ ލިބޭ އާންމުދަނީ ބޭކާރުގޮތުގައި ހޭދަވާ ކަމަށް ގިނަ ބަޔަކު ބުނެ އެވެ.
